മാങ്ക (കോമിക്)

19- നൂറ്റാണ്ടിന്റെ അവസാന ഭാഗത്ത് ഒരു ജപ്പാനിൽ ഉരുത്തിരിഞ്ഞ ഒരു തനതായ ശൈലിയിൽ സൃഷ്ടിക്കപ്പെടുന്ന ചിത്രകഥകളയാണ് മൻഗ(Eng: Manga; Jap: 漫画?) എന്ന് പറയുക. ജപ്പാനിലെ എല്ലാ പ്രായക്കാരും മാങ്ക വായിക്കാറുണ്ട്. പിൽക്കാലങ്ങളിൽ മാങ്ക മറ്റു ഭാഷകളിലും പ്രസിദ്ധീകരിച്ചു തുടങ്ങി. ജപ്പാനിലെ പബ്ലിഷിങ്ങ് വ്യവസായത്തിന്റെ ഒരു പ്രധാന ഭാഗമാണ് മാങ്ക.^[1] 2009 ൽ ജപ്പാനിൽ മാത്രം മാങ്ക പബ്ലിക്കേഷനുകളുടെ അഞ്ചര ബില്യൺ (550 കോടി) ഡോളറിന്റെ കച്ചവടം നടന്നിട്ടുണ്ടെന്നാണ് കണക്കാക്കപ്പെടുന്നത്. ജപ്പാനിനു പുറത്തും മാങ്ക ആസ്വാദകർ വളരെയേറെയുണ്ട്. 2008 ൽ അമേരിക്കയിലും, കാനഡയിലും കൂടി ചേർത്ത് 175 മില്യൺ (17.5 കോടി) ഡോളറിന്റെ മാങ്ക പ്രസാധനങ്ങളുടെ കച്ചവടം നടന്നിട്ടുണ്ട്. കേരളത്തിലും നഗരങ്ങളിൽ കുട്ടികളുടെ ഇടയിൽ മാങ്ക ആസ്വാദകരുണ്ട്. ^[2][3][4]