Чикаго
Чикаго (Англи: Chicago, дуудлага: [ʃɪˈkɑːgoʊ]; 
сонсох) хот нь АНУ-ын Иллиной муж улсын хамгийн олон хүн амтай хот бөгөөд АНУ-даа 2019 оны байдлаар 2,716,450 (дагуул хотуудтайгаа нийлээд 10 сая орчим) байнгын оршин суугч иргэдийн тоогоороо 3 дахь том хот юм. Даяарчлал ба Дэлхийн хотууд судалгааны төвөөс гаргасан үзүүлэлтээр дэлхийн 7 дахь том хотоор 2012 онд шалгарсан. Дэлхийн хоёрдогч хүчин чадал бүхий О'Хэйр олон улсын нисэх буудал Чикаго хотод харьяалагдах ба 2008 онд уг хот 45.6 сая гадаадын болон дотоодын зочид жуулчдыг хүлээн авсан байдаг. Хотыг "Chi-city" (Чи-хот), "Windy city" (Салхит хот), "Second city" (Хоёрдогч хот) гэх мэтээр нэрлэх нь түгээмэл байдаг. (Чикаго хотыг англиар Шикаго гэж дууддаг).
| Чикаго | |||
|---|---|---|---|
| Хоч нэр: The Windy City, Chi-City, Chi-Town | |||
 Чикаго хотын төв хэсэг | |||
 Тамга |  Далбаа | ||
| Иллиной дахь байрлал | |||
| |||
| Үндсэн мэдээлэл | |||
| Байгуулагдсан: | 1833 оны 8-р сарын 12 | ||
| Улс: | Америкийн Нэгдсэн Улс | ||
| Муж Улс: | Иллиной | ||
| Тойрог: | Күүк тойрог ДүПэйж тойрог | ||
| Солбицол: | , 87° 38′ Б41° 53′ У, 87° 38′ Б | ||
| Цагийн бүс: | Central (UTC−6/−5) | ||
| Хүн ам: – Метропол бүс: | 2,722,389 (мэдээ: 2014 он) 9,554,598 (мэдээ: 2014 он) | ||
| Хүн амын нягтрал: | 4,627.6 хүн км2 тутамд | ||
| Газар нутаг: | 606.1 км2 (≈ 234 бээр2) үүнээс 588.3 км2 (≈ 227 бээр2) нь хуурай газар | ||
| Далайн түвшнээс дээш: | 179 м | ||
| Шуудангийн дугаар: | 60601–60827 | ||
| Утасны код: | +1 312 (төв), 773 (бусад хэсэг) | ||
| МБХС: | 17-14000 | ||
| ГНМС: | 423587 | ||
| Цахим хуудас: | www.chicago.gov | ||
| Засаг дарга: | Лори Лайтфүүт (АН) | ||
Мичиган нуурын баруун эрэг дээрх уг суурин 1833 онд газрын зураг дээр 350 хүн амтай тосгон байсан бөгөөд 1837 онд хотын статустай болжээ. 1871 оны 10 дугаар сарын 8-10-ны хооронд "Их гал түймэр" (The Great Fire) болж хот их сүудэж олон зуун хүн нас барсан боловч "Их гал түймэр"-ийн дараа хот эрчимтэй хөгжиж өргөжсөн байна. 1890 онд Чикаго хот Нью-Йоркийн дараа 1,1 сая хүн амтай АНУ-ын хоёр дахь том хот болж байжээ.
Чикаго бол олон улсын санхүү, соёл урлаг, худалдааны бөгөөд аж үйлдвэр, боловсрол, технологи, тээврийн төв юм. Энд Boeing, Kraft Heinz, McDonald’s, Sears и Walgreens компаниудын төв байр байралдаг байна.
Нэрийн гарал үүсэл
Нэр нь «Чекагоу» (Checagou) гэх үгнээс гаралтай бөгөөд Потаватоми-Индианчууд уг нутгийг ийнхүү нэрийддэг байгаад сүүлд нь энэ газарт нь хот байгуулагджээ. Үүнээс гадна «зэрлэг сонгино» эсвэл «өмхий хүрэн»[1] гэх индиан гаралтай үгнүүдийн орчуулгууд байдаг ч эдгээр нь ихээхэн маргаантай.
Чикагог аман ярианд the Windy City хэмээн нэрлэдэг. Энэхүү хоч нэрийг хамгийн анх 1858 онд хэвлэгдсэн «Чикаго Трибуне» сонингийн нэг өгүүлэлд дурдсан байдаг. Дараа нь ахиад 1876 онд өрсөлдөгч хот Цинциннатитай холбоотойгоор хэрэглэгджээ.
Хүн ам
|
|
Газар зүй
Газар зүйн байшил
Иллиной Муж Улсын зүүн хойд хэсэгт оршдог. АНУ-ын хүн амын тооллогын товчооны мэдээгээр 606, 1 км² нутаг дэвсгэртэй. Үүний 2,94 %-ийг (17,8 километр квадрат) ус бүрхэнэ. Хойд Америкийн таван том нуурын нэг болох Мичиган нуурт урьд нь Чикаго гол цутгадаг байв. Гэвч 1900 онд түүний урсгалыг өөрчилснөөр ундны усанд ашигладаг Мичиган нуурт биш харин Иллинойн усны сувгаар дамжин Иллиной голд, цааш Миссисипи мөрөнд цутгадаг болжээ.
Уур амьсгал
| Чикаго | ||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Уур амьсгалын диаграмм | ||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||
Сарын дундаж температур болон хур тунадасны хэмжээ: Чикаго
Эх сурвалж: WMO: World Weather Information Service | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Цахим холбоос
Commons: Chicago – Викимедиа дуу дүрсний сан- Албан ёсны цахим хуудас
- www.chicago.gov -хотын албан ёсны цахим хуудас.
- Encyclopedia of Chicago