राज्यसभा

राज्यसभा हे भारतीय संसदेतील वरिष्ठ सभागृह आहे.भारतीय राज्यघटनेत कलम ८० अनुसार राज्यसभेची तरतूद केली आहे. राज्यसभेत २५० सभासद असून त्यातील १२ सभासदांची नेमणुक राष्ट्रपती विविध क्षेत्रातील (कला, साहित्य, विज्ञान व समाजसेवा) मान्यवरांमधून करतात. इतर २३८ सभासदांची निवड राज्य व केंद्रशासित प्रदेश विधिमंडळ करतात. राज्यसभेचे पहिली सत्र बैठक मे १३, १९५२ साली झाली।

राज्यसभा
प्रकार
प्रकार	वरिष्ठ सभागृह
इतिहास
नेते
सभापती	जगदीप धनखड, भाजप इ.स. २०२२
बहुमत नेता	पीयुष गोयल (भारतीय जनता पक्षाचे पक्ष नेता), भाजप इ.स. २०२१
विरोधी पक्षनेता	मल्लिकार्जुन खड़गे, काँग्रेस इ.स. २०२१
संरचना
सदस्य	२५० (२३८ निर्वाचित + १२ नियुक्त)
राजकीय गट	संपुआ
राजकीय गट	डावी आघाडी रालोआ
समिती	List वाणिज्य संबंधी समिती गृह कार्य संबंधी समिती मानव संसाधन विकास संबंधी समिती उद्योग संबंधी समिती विज्ञान आणि प्रौद्योगिकी, पर्यावरण आणि वन संबंधी समिती परिवहन, पर्यटन आणि संस्कृति संबंधी समिती कार्मिक, लोक शिकायत, विधि आणि न्याय संबंधी समिती स्वास्थ्य और परिवार कल्याण संबंधी समिती
निवडणूक
मागील निवडणूक	जून ४, २०१४
बैठक ठिकाण
संसद भवन, नवी दिल्ली
संकेतस्थळ
राज्यसभेचे संकेतस्थळ
तळटिपा
ब च सं

राज्यसभेचा कार्यकाळ ६ वर्षांचा असतो आणि राज्यसभा ही स्थायी सभाग्रह आहे. कारण दर दोन वर्षांनी एक तृतीयांश सभासद निवृत्त होतात आणि पुन्हा नव्याने तेवढेच सभासद निवडतात. इवलेसे|Rajy-sabhaa in indiaराज्यसभेचे सत्र कायमस्वरुपी असून ते लोकसभेप्रमाणे विलीन होत नाही. राज्यसभेला लोकसभेपेक्षा कमी अधिकार आहेत, शिवाय धन विधेयक (Money/Supply Bill) जेथे लोकसभेस अध्यारोही अधिकार आहेत. परस्पर विरोधी ठराव झाल्यास एक संयुक्त बैठक घेतली जाते. परंतु लोकसभेची सभासद संख्या दुप्पट असल्याने त्यांना बहुमत मिळून जाते.

भारतीय उपराष्ट्रपती हे राज्यसभेचे पदसिद्ध अध्यक्ष असतात. राज्यसभेच्या उपाध्यक्षांची निवड सदस्य मतदानाने होते. अध्यक्षांच्या गैरहजरीत उपाध्यक्ष सभेचे कामकाज पाहतात.