၁၇ ရာစုနှစ်

၁၇ ရာစုနှစ် သည် ဂျူလီယန် ပြက္ခဒိန်အရ ၁၆၀၁ ခုနှစ်မှ ၁၇၀၀ အထိဖြစ်သည်။ ဥရောပတွင် အစောပိုင်းခေတ်သစ်ကာလသို့ ရောက်ရှိပြီး သမိုင်းပညာရှင်များအရ အကြီးကျယ်ဆုံး စစ်ပွဲမှာ နှစ်သုံးဆယ်စစ်ပွဲဖြစ်သည်။^[၁] ရာစုနှစ်အကုန်တွင် ဥရောပသားများသည် သိပ္ပံတော်လှန်ရေးနှင့် ပထမဆုံး သိပ္ပံပညာရှင်များ၏ လုပ်ဆောင်ချက်များကြောင့် လော်ဂမ်သမ်၊ လျှပ်စစ်၊ တယ်လီစကုပ်၊ မိုက်ခရိုစကုပ်၊ ကဲကုလပ်၊ စကြဝဠာဆိုင်ရာ ဒြပ်ဆွဲအား၊ နယူတန်၏ ရွေ့လျားမှုနိယာမ၊ လေဖိအား၊ တွက်ချက်စက်များကို သိရှိနားလည်လာကြသည်။ ယင်းသိပ္ပံပညာရှင်များတွင်ဂယ်လီလီယို၊ ဂျိုးဟန် ကပ်ပလာ၊ ပါစကယ်၊ ဟိုင်းဂျင်း၊ ရောဘတ် ဟုဒ်၊ အိုင်ဆပ် နယူတန်တို့ ပါဝင်သည်။ အတွေးအခေါ်၊ ဂီတ၊ အနုပညာများ ဖွံ့ဖြိုးတိုးတက်သော ခေတ်ကာလလည်း ဖြစ်ပေသည်။