आँधीखोला गाउँपालिका
आँधिखोला स्याङ्जा जिल्लाको उत्तर क्षेत्रमा फैलिएको एक गाउँपालिका हो ।[२][३] विसं २०७३ सालमा सङ्घीय मामिला तथा स्थानीय विकास मन्त्रालयले ७४४ स्थानीय तह (गाउँपालिका तथा नगरपालिका) लागू गर्दा स्याङ्जा जिल्लामा सेतीदोभान, पञ्चमुलका (१,२,४-६,८,९) वडाहरू, फापरथुम, चिलाउनेबास, विचारीचौतारा र वाङसिङ देउराली गाउँ विकास समितिहरूलाई समेटेर आँधिखोला गाउँपालिका घोषणा गरिएको हो ।[४] आधिखोला गाउपालिका 4 बाङ्सिङ, श्रावण कुमार टोलमा श्रावण कुमार मन्दिर रहेको छ, जसमा बालाचतुर्दसीको दिन मेला लाग्ने गर्छ
आँधिखोला | |
---|---|
देश | नेपाल |
प्रदेश | प्रदेश नं. ४ |
जिल्ला | स्याङ्जा जिल्ला |
स्थापना | २०७३ फाल्गुण २७ |
सरकार | |
• प्रकार | स्थानीय सरकार |
• अङ्ग | गाउँ कार्यपालिका |
• अध्यक्ष | सुधिरकुमार पौडेल (एमाले) |
• उपाध्यक्ष | शर्मिलादेवी पौडेल क्षेत्री (एमाले) |
क्षेत्रफल | |
• जम्मा | ६९.६१ किमी२ (२६.८८ वर्ग माइल) |
जनसङ्ख्या | |
• जम्मा | १६,५८९ |
• घनत्व | २४०/किमी२ (६२०/वर्ग माइल) |
समय क्षेत्र | युटिसी+५:४५ (नेपालको प्रमाणिक समय) |
क्षेत्रीय सङ्केत | +९७७-६३ |
केन्द्र | साविकको सेतीदोभान गाविसको कार्यालय |
वेबसाइट | aandhikholamun |
जनसङ्ख्या
प्रदेश नं. ४ स्थित स्याङ्जा जिल्लामा सेतीदोभान, पञ्चमुलका (१,२,४-६,८,९) वडाहरू, फापरथुम, चिलाउनेबास, विचारीचौतारा र वाङसिङ देउराली गाविसहरूलाई मिलाएर आँधिखोला गाउँपालिका बनाइएको हो । त्यसैले राष्ट्रिय जनगणना २०६८का अनुसार यी ठाउँहरूको जनसङ्ख्यालाई जोडेर आँधिखोला गाउँपालिकाको जनसङ्ख्या १६,५८९ रहेको छ ।[५][६]
भू-वनोट
आँधिखोला गाउँपालिकामा ६ वडाहरू रहेका छन् । आँधिखोलाको कुल क्षेत्रफल ६९.६१ वर्ग किमी छ । यो गाउँपालिकाको पूर्वमा पुतलीबजार नगरपालिका र फेदीखोला पर्दछन् भने पश्चिममा पर्वत जिल्ला छ। यसको उत्तरी भागमा फेदीखोला र पर्वत जिल्ला छ भने दक्षिणी क्षेत्रमा पुतलीबजार नगरपालिका र अर्जुनचौपारी पर्दछन् ।[७]