कादर खान

कादर खानको जन्म सन् १९३७ साल अक्टोबर २२ तारिखमा अफगानिस्तानको काबुल सहरमा भएको थियो। उनको बुवा को नाम अब्दुल रहमान खान थियो भने आमा को नाम इकबाल बेगमका छोरा थियो । उनी सानो छँदा उनका आमाबुबा काबुल छोडेर मुम्बईको कामठीपुरा जिल्लामा बसाई सरेका थिए ।^[८] उनले मुम्बई विश्वविद्यालयको इस्माईल युसुफ कलेजबाट स्नातक गरे । उनले प्राध्यापकको रूपमा काम गरेका थिए र भायकुलाको एम एच साबू सिद्दिक कलेज अफ इञ्जिनियरिमा गणित पढेका थिए ।^[९] ५६ वर्षको उमेरमा उनले इस्लामी र अरब साहित्यमा हैदराबादको प्रतिष्ठित उस्मानिया विश्वविद्यालयबाट स्नातकोत्तर डिग्री हासिल गरे। एक कुरानिक विद्वानको रूपमा उनले आफ्नो जीवनको अन्तिम दशक विद्यार्थीहरूलाई लिखित शब्दको अर्थ सिकाउन समर्पित गरे।^[१०]

कादर खानले सन् १९७३ सालमा राजेश खन्नाको चलचित्र दागबाट आफ्नो अभिनयको शुरुवात गरे र ३०० भन्दा बढी फिल्ममा अभिनय गरिसक्नुभयो। उनले २५०^[११] भन्दा बढी चलचित्रहरूको लागि संवाद लेखे। अभिनेता हुनु अघि उनले जवानी दीवानीका लागि संवाद लेखेका थिए जसमा रणधीर कपूर र जया बच्चन तारान्कित थिए ।^[१२]

कादर खानको ८१ वर्षको उमेरमा निधन भयो। लामो समयदेखि बिरामी उनको क्यानडामा उपचारका क्रममा २०१८ डिसेम्बर ३१ मा निधन भएको थियो। उनी सुप्रान्युक्लियर पाल्सी नामक समस्याबाट पीडित थिए।^[१३]