जेटटिई

जेटटिई स्थापना हुँदा सेनझेन, गुआनडोंग प्रान्तमा सन् १९८५ मा झोंगजिंग सेमिकन्डक्ट कम्पनी लिमिटेडको रूपमा चिनको अन्तरिक्ष सम्बन्धी मन्त्रालयको^[५] लगानीकर्ताको लगानी स्थापना भएको थियो । सन् १९९३ मार्चमा झोंगजिंग सेमिकन्डक्टले युआन ३० लाख पूँजि सहित आफ्नो नाम परिवर्तन गरी झोंगजिंग न्यू टेलिकम्युनिकेशन इक्युपमेन्ट कम्पनी लिमिटेड गरेको थियो भने यो संस्था चिनको नयाँ व्यावसायिक मोडेल देशको स्वामित्व तथा प्राइभेट सञ्चालन अन्तर्गत तयार गरिएको थियो ।

सन् २००९ सम्ममा यो कम्पनी संसारको तेश्रो ठूलो जीएसएम दूरसञ्चार उपकरण आपूर्तिकर्ता भएको थियो । सन् २००९ मा विक्रि भएको करिब २० प्रतिशत जीएसएम सामानहरू जेटटिईको उत्पादन थियो ।^[६] सन् २०११ मा थ्रीजीपिपि लंग ट्रम इभोलुसनको ७ प्रतिशत पेटेन्टहरू यसका छन् ।^[७]

जेटटिईले मुख्य तीन उत्पादन खण्डमा सञ्चालन गरेको छ । जसमा क्यारियर नेटवर्क ५४ प्रतिशत, टर्मिनल्स २९ प्रतिशत तथा दूरसञ्चार १७ प्रतिशत रहेको छ । जेटटिईको मुख्य उत्पादहरू वायरलेस एक्सचेञ्ज, अप्टिकल प्रसारण तथा डाटा सम्बन्धी दूरसञ्चार उपकरणहरू, मोबाइल र दुरसञ्चार सफ्टवेयर रहेको छ ।^[८] सन् २०१० अक्टोबरमा जेटटिईको एकिकृत इन्क्रिपशन मोड्युले अमेरिका/क्यानाडाको एफआईपिएस १४०-२ सुरक्षा प्रमाणित भएको थियो । ^{[९][१०]}

यस कम्पनीको धेरै ठूलो संख्यामा ग्राहकहरू चिन भन्दा बाहिर रहेको छ । सन् २००० को दशकमा धेरै विकास उन्मुख देशहरूमा मोबाइल नेटबर्क अपरेटहरूमा भएता पनि जेटटिईका उत्पादनहरू विकसित देशहरूमा समेत प्रयोगमा रहेका थिइ । संयुक्त अधिराज्यको भोडाफोन, क्यानाडाको टेलुस, अस्ट्रेलियाको टेलस्ट्रा लगायत फ्रान्स टेलिकमले सबै उपकरणहरू जेटटिईबाट खरिद गरेका थिए । ^[११]