डेस्टिनीज चाइल्ड

डेस्टिनीज चाइल्ड सन् १९९७ मा ह्युस्टन, टेक्ससमा बनेको तीन चोटी ग्रामी पुरस्कार जितेको अमेरिकी महिला आर एन्ड बी समूह थियो । चार व्यक्तिको "गर्ल्स टाइम" नामक समूहबाट पछि डेस्टिनीज चाइल्ड बियोन्से, केली रोल्यान्ड र मिशेल विलियम्स रहेको साङ्गीतिक त्रय बनेको थियो । विश्व सङ्गीत पुरस्कार अनुसार डेस्टिनीज चाइल्ड विश्वकै सर्वाधिक रेकर्ड बिक्री गरेको समूह थियो । जून १२, २००५ मा बार्सिलोनामा आयोजित प्रत्यक्ष प्रदर्शनको अन्त्यमा डेस्टिनीज चाइल्डको विघटनको घोषणा गरिएको थियो । उक्त समूहका सदस्यले सङ्गीत, अभिनय र नाट्यशालाको क्षेत्रमा विभिन्न कार्यमा सहभागिता जनाउने इच्छा प्रकट गरेका थिए ।^[१]

डेस्टिनीज चाइल्ड
फेब्रुअरी ३, २०१३ मा डेस्टिनीज चाइल्डको सुपर बोलमा प्रस्तुति
व्यक्तिगत विवरण
उपनाम	गर्ल्स टाइम
उत्पत्ति	ह्युस्टन, टेक्सस, संयुक्त राज्य अमेरिका
विधा	आर एन्ड बी
सक्रिय वर्ष	सन् १९९७ - सन् २००६
लेबल	इलेक्ट्रा रेकर्ड्स कोलम्बिया रेकर्ड्स म्यूजिक वर्ल्ड इन्टरटेन्मेन्ट
वेबसाइट	destinyschild.com
पूर्व सदस्य(हरू)
बियोन्से केली रोल्यान्ड मिशेल विलियम्स लटेभिया रबर्सन लटोया लकेट फेरा फ्रयाङ्क्लिन

सन् २००६ मा डेस्टिनीज चाइल्डको आधिकारिक विघटन भएको थियो ।^[२] हालसम्म डेस्टिनीज चाइल्डले कुल ६ करोड रेकर्डको बिक्री गरेको छ । बिलबोर्डले उक्त समूहलाई विश्वकै सर्वाधिक प्रचलित त्रयमध्ये एक, सन् २००० को दशकको सबैभन्दा सफल त्रय्मध्ये नवौँ र इतिहासकै सर्वश्रेष्ठ १०० कलाकारका सूचीमा ६८ औँ स्थानमा सूचिकृत गरेको छ ।^{[३][४][५]} सन् २०१६ मा बिलबोर्डले डेस्टिनीज चाइल्डलाई सर्वाधिक सफलता प्राप्त समूहको सूचीमा ९० औँ स्थानमा सूचिकृत गरेको थियो ।^[६]