वारागुङ मुक्तिक्षेत्र गाउँपालिका

वारागुङ मुक्तिक्षेत्र गाउँपालिका मुस्ताङ जिल्लामा अवस्थित छ ।^[१][२] विसं २०७३ सालमा सङ्घीय मामिला तथा स्थानीय विकास मन्त्रालयले ७४४ स्थानीय तह लागू गर्दा मुस्ताङ जिल्लामा साविकका मुक्तिनाथ, झोङ, छुसाङ र कागवेनी गाउँ विकास समितिहरूलाई समेटेर वारागुङ मुक्तिक्षेत्र गाउँपालिका घोषणा गरिएको हो ।^[३][४] बाह्रगाउँ मुक्तिक्षेत्र गाउँपालिकाको क्षेत्रफल ८८६ वर्गकिलोमिटर रहेको छ । यो गाउँपालिका ५ वडाहरूमा विभाजन गरिएको छ । यस गाउँपालिकको कूल जनसङ्ख्या २,३३० रहेको छ । यस गाउँपालिकाको सिमाना पूर्वमा दालोमे गाउँपालिका र मनाङ जिल्ला, पश्चिममा डोल्पा र म्याग्दी जिल्ला, उत्तरमा दालोमे गाउँपालिका, दक्षिणमा घरपझोङ, थासाङ गाउँपालिका र मनाङ जिल्लासम्म छ ।^[५]

वारागुङ मुक्तिक्षेत्र
गाउँपालिका
मुस्ताङको मुक्तिनाथ गाउँ र धौलागिरी हिमालको दृश्य
वारागुङ मुक्तिक्षेत्र गाउँपालिकाको वडा विभाजन
देश	नेपाल
प्रदेश	गण्डकी प्रदेश
जिल्ला	मुस्ताङ जिल्ला
स्थापना	२७ फागुन २०७३
सरकार
• प्रकार	स्थानीय सरकार
• अङ्ग	गाउँ कार्यपालिका
• अध्यक्ष	रिङजिन नामगेल गुरुङ नेकपा (एमाले)
• उपाध्यक्ष	दिकी गुरुङ ( नेकपा (एमाले))
• प्रमुख प्रशासकीय अधिकृत	होमबहादुर थापा मगर
क्षेत्रफल
• जम्मा	८८६ किमी२ (३४२ वर्ग माइल)
जनसङ्ख्या  (राष्ट्रिय जनगणना २०६८)
• जम्मा	२,३३०
• घनत्व	२.६/किमी२ (६.८/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-६९
केन्द्र	साविकको कागवेनी गाविसको कार्यालय
वेबसाइट	varagungmuktichhetramun.gov.np