हलेसी तुवाचुङ नगरपालिका
हलेसी तुवाचुङ नगरपालिका पूर्वी नेपालको कोशी प्रदेश मा रहेको खोटाङ जिल्लामा अवस्थित छ । नेपाललाई सङ्घीय स्वरूपमा लगेर पुनर्संरचना गर्ने उदेश्य अनुरुप स्थापना गरिएको कोशी प्रदेश नेपालको सबैभन्दा पूर्वी भागमा छ । यस प्रदेशमा समावेश १४ जिल्लाहरू मध्यको खोटाङ जिल्लाको पश्चिम भेगमा रहेका ११ गाउँ विकास समितिहरू समावेश गरिएका छन् । यसलाई नगरपालिका घोषणा गर्दा गाविस बाहुनीडाँडा, डिकुवा, च्यास्मिटार, बडहरे, दुर्छिम, मंगलटार, महादेवस्थान, धितुङ, सल्ले, अर्खौले तथा राजापानी समेटिएका हुन् । यस हलेसी तुवाचुङ नगरपालिकाको केन्द्र दुर्छिम गाउँ विकास समितिको कार्यालय रहेको ठाँउ छापडाँडालाई बनाइएको छ । यसको सीमाना पूर्वमा दिक्तेल रुपाकोट मझुवागढी नगरपालिका र रावा बेसी गाउँपालिका पश्चिममा ओखलढुङ्गा र उदयपुर जिल्ला उत्तरमा रावा बेसी गाउँपालिका र ओखलढुङ्गा जिल्ला तथा दक्षिणमा उदयपुर जिल्ला रहेको छ ।[२][३]
हलेसी तुवाचुङ नगरपालिका | |
|---|---|
| देश |  नेपाल |
| प्रदेश | कोशी |
| जिल्ला | खोटाङ |
| सरकार | |
| • मेयर | ईवन राई |
| • उप मेयर | विमला राई |
| क्षेत्रफल | |
| • जम्मा | २८०.१७ किमी२ (१०८.१७ वर्ग माइल) |
| जनसङ्ख्या | |
| • जम्मा | २९५३२ |
| • घनत्व | ११०/किमी२ (२७०/वर्ग माइल) |
| समय क्षेत्र | युटिसी+५:४५ (नेपालको प्रमाणिक समय) |
| क्षेत्रीय सङ्केत | ०३६ |
| केन्द्र | साविकको दुर्छिम गाविसको कार्यालय छापडाँडा |
| वेबसाइट | आधिकारिक वेबसाइट |
नामाकरण
हलेसी नेपालको एक प्रसिद्ध हिन्दू, किरात र बौद्ध धर्मावलम्बीको तीर्थस्थल र संगमस्थलको नाम ‘हलेसी’ हो । जहाँ हलेसी महादेवको मन्दिर अवस्थित छ । अहिले यो नगरपालिकाको ७ नम्बर वडा मा पर्दछ । यस्तै नगरपालिका को १० नम्बर वडा अर्खौले मलाथुम्की डाँडाको शिरमा अवस्थित तुवाचुङ किराँत संस्कृतिको उद्गम स्थल वा आदिमभूमि मानिन्छ । जसलाई तुवाचुङ जायजुम भनिन्छ । यीनै हलेसी र तुवाचुङ मिलाएर हलेसी तुवाचुङ नगरपालिकाको नामाकरण गरिएको हो ।
विभाजन
| समावेश भएका साविक गाउँ विकास समितिहरू | |||
|---|---|---|---|
| वडा नम्बर | समावेश भएका साविक गाउँ विकास समितिहरू | साविक वडा नम्बर | केन्द्र दुर्छिम छापडाँडा |
| १ | बाहुनीडाँडा | १-९ | दुर्छिम |
| २ | डिकुवा | १-९ | दुर्छिम |
| ३ | च्यास्मिटार | १-९ | दुर्छिम |
| ४ | बडहरे | १-९ | दुर्छिम |
| ५ | दुर्छिम | १-९ | दुर्छिम |
| ६ | मंगलटार | १-९ | दुर्छिम |
| ७ | महादेवस्थान | १-९ | दुर्छिम |
| ८ | धितुङ | १-९ | दुर्छिम |
| ९ | सल्ले | १-९ | दुर्छिम |
| १० | अर्खौले | १-९ | दुर्छिम |
| ११ | राजापानी | १-९ | दुर्छिम |
| जम्मा | ११ वटा | ||