Avril Lavigne
Avril Ramona Lavigne (fødd 27. september 1984) er ein kanadisk songar, låtskrivar og skodespelar. Ho har hatt ei viktig rolle i utviklinga av pop-punk, der ho bana veg for punk-påverka popmusikk med kvinnelege frontfigurar tidleg på 2000-talet.[1][2] Lavign har hatt hittar med songane «Sk8er Boi», «Girlfriend», «Complicated» og «Nobody's Home».
| Avril Lavigne | |||
_(cropped).jpg) | |||
| Fødd | 27. september 1984 (39 år) | ||
|---|---|---|---|
| Fødestad | Belleville | ||
| Fødenamn | Avril Ramona Lavigne | ||
| Opphav | Canada, Frankrike | ||
| Aktiv | 1999– | ||
| Sjanger | alternativ rock, pop-pønk, poprock, post-grunge, softrock | ||
| Instrument | gitar, vokal, piano, trommesett | ||
| Stemmetype | lys lyrisk sopran | ||
| Plateselskap | Arista Records, Epic Records, Elektra Records, DTA Records, BMG Rights Management, RCA Records, Bertelsmann Music Group | ||
| Verka som | songar-låtskrivar, songar, skodespelar, komponist, velgjerar, filmskodespelar, stemmeskodespelar, motedesigner, plateartist | ||
| Mor | Judith Rosanne Loshaw | ||
| Far | Jean-Claude Lavigne | ||
| Gift med | Deryck Whibley, Chad Kroeger | ||
| Sambuar med | Mod Sun | ||
| Prisar | Juno Fan Choice, Juno Fan Choice, Premios Oye! | ||
Liv og virke
Avril Lavigne vart fødd i Belleville i Ontario, men voks opp i småbyen Napanee i same provinsen. Ho viste tidleg musikalsk talent, og skreiv platekontrakt med Arista Records då ho var 16 år gamal. Ho gav ut debutplata si, Let Go i 2002, då ho var 17. Singlane «Sk8er Boi» og «Complicated» vart store hittar, og plata selde i svært mange eksemplar over heile verda. Dette resulterte i både den kanadiske Juno-prisen, Grammy-prisen frå USA med meir.
Oppfylgjarplata Under My Skin kom i 2004. Fleire singlar vart laga frå denne også, som «Don't Tell Me» og «Nobody's Home». Det tredje studioalbumet hennar, The Best Damn Thing (2007), nådde fyrsteplassen på albumlistene i sju land. Hovudsingelen frå albumet, «Girlfriend», vart den fyrste singelen hennar til å nå toppen av Billboard Hot 100 i USA. Dei neste to albuma hennar, Goodbye Lullaby (2011) og Avril Lavigne (2013), hadde også kommersiell suksess, og selte begge til gull i Canada, USA og andre område.[3] Etter nokre års pause slapp ho det sjette studioalbumet sitt Head Above Water i 2019, før ho vende attende til punkrøtene sine med Love Sux i 2022.[4]
Avril Lavigne har hatt fleire skodespelarroller, m.a. ei stemme i animasjonsfilmen Over hekken[5] og i filmen Fast Food Nation, basert på boka Fast Food Nation: The Dark Side of the All-American Meal (2006).[6][7][8]
Privatliv
Lavigne var saman med Deryck Whibley, vokalisten i rockebandet Sum 41, frå ho var 19 år gammal. Dei gifta seg i 2006, men skilde lag nokre år seinare.[9]
Diskografi
- Let Go (2002)
- Under My Skin (2004)
- The Best Damn Thing (2007)
- Goodbye Lullaby (2011)
- Avril Lavigne (2013)
- Head Above Water (2019)
- Love Sux (2022)