Bikini

Bikini er todelt badetøy for kvinner som også kan brukast til solbading, strandliv og anna. Ein bikini består av ein overdel til brystet, ofte forma som ein behå, og eit nederplagg, ofte forma som ei truse. Snitt, fargar, mønster og material kan variera.

Namnet «bikini» blei lansert i 1946 av to franske moteskaparar, Louis Réard og Jacques Heim. Namnet skal ha skildra effekten av badedrakten – lik effekten til atombombene som då blei testa av USA på Bikini-atollen i Stillehavet.