Ursula K. Le Guin

Ursula Kroeber Le Guin (21. oktober 1929–22. januar 2018) var ein amerikansk forfattar og kritikar som tok opp spørsmål knytta til kjønn og rase i verka sine.^[1] Ho fekk stor merksemd for romanen The Left Hand of Darkness (1969), der ho introduserte science fiction-universet Ekumen. Romanen, som skulle få fleire oppfølgjarar med handling frå same univers, etablerte Le Guin for alvor blant dei fremste science fiction-forfattarane.^[2] For The Left Hand of Darkness fekk Le Guin både Hugo-prisen og Nebula-prisen.^[3] Boka er gjeven ut på norsk under tittelen Mørkets venstre hånd (sjå nedanfor).

Ursula K. Le Guin
Statsborgarskap	USA
Fødd	21. oktober 1929 Berkeley
Død	22. januar 2018 (88 år) Portland i Oregon
Yrke	skribent, manusforfattar, omsetjar, romanforfattar, lyrikar, forfattar, litteraturkritikar, science fiction-forfattar, kvinnesaksforkjemper, barnebokforfattar, journalist, prosaforfatter
Sjanger	science fiction, fantasy, feministisk science fiction
Medlem av	Phi Beta Kappa, American Academy of Arts and Letters
Religion	Taoisme
Far	Alfred L. Kroeber
Mor	Theodora Kroeber
Ektefelle	Charles Le Guin
Ursula K. Le Guin på Commons

Le Guin er også kjent for bøker for unge i fantasiverda Jordsjø,^[4] som har vore i konstant nye opplag sidan utgjevinga.^[1]

I tillegg til The Left Hand of Darkness, har romanen The Dispossessed (1975) gjeve Le Guin både Hugo og Nebula.^[5] Sidan har ho fått Nebula for romanane Tehanu: The Last Book of Earthsea (1990)^[6] og Powers (2007)^[7]

Le Guin døydde 22. januar 2018 heime i Portland i Oregon etter fleire månader med dårleg helse.^[8]