ਜੂਨੋ (ਪੁਲਾੜ ਵਾਹਨ)

ਇਹ ਪੁਲਾੜ ਵਾਹਨ ਗ੍ਰਹਿ ਦੀ ਠੋਸ ਸਤ੍ਹਾ ਦੀ ਹੋਂਦ ਹੋਣ ਬਾਰੇ ਪਤਾ ਲਗਾਵੇਗਾ। ਇਸ ਤੋਂ ਗ੍ਰਹਿ ਦੀ ਅੰਦਰੂਨੀ ਸੰਰਚਨਾ ਸਮਝਣ ਵਿੱਚ ਮਦਦ ਮਿਲੇਗੀ। ਗ੍ਰਹਿ ਦੇ ਸ਼ਕਤੀਸ਼ਾਲੀ ਚੁੰਬਕੀ ਖੇਤਰ ਨੂੰ ਮਾਪਣ ਦੀ ਕੋਸ਼ਿਸ ਕਰੇਗਾ। ਇਸ ਦੇ ਵਾਤਾਵਰਨ ਵਿੱਚ ਮੌਜੂਦ ਪਾਣੀ ਅਤੇ ਅਮੋਨੀਆ ਦੀ ਮਾਤਰਾ ਵੀ ਮਾਪੇਗਾ। ਇਹ ਗ੍ਰਹਿ ਉੱਤੇ ਸਵੇਰਾਂ ਦਾ ਅਧਿਐਨ ਵੀ ਕਰੇਗਾ। ਇਸ ਮਿਸ਼ਨ ਨਾਲ ਸੂਰਜ ਮੰਡਲ ਦੇ ਵੱਡੇ ਗ੍ਰਹਿਆਂ ਦੇ ਨਿਰਮਾਣ ਬਾਰੇ ਸਮਝਣ ਵਿੱਚ ਮਦਦ ਮਿਲੇਗੀ, ਉੱਥੇ ਸੂਰਜੀ ਮੰਡਲ ਦੇ ਬਾਕੀ ਗ੍ਰਹਿਆਂ ਨੂੰ ਇਕੱਠਿਆਂ ਰੱਖਣ ਵਿੱਚ ਇਨ੍ਹਾਂ ਦੀ ਭੂਮਿਕਾ ਨੂੰ ਸਮਝਣ ਵਿੱਚ ਵੀ ਮਦਦ ਮਿਲੇਗੀ। ਇਹ ਵੀਹ ਮਹੀਨੇ ਬ੍ਰਹਿਸਪਤੀ ਦੇ ਗ੍ਰਹਿ ਪੰਧ ਵਿੱਚ ਰਹਿ ਕੇ ਇਸ ਦੇ ਗਿਰਦ 37 ਚੱਕਰ ਲਗਾਵੇਗਾ ਅਤੇ ਇਸ ਬਾਰੇ ਜਾਣਕਾਰੀ ਤੇ ਹੋਰ ਅੰਕੜੇ ਇਕੱਠੇ ਕਰੇਗਾ। ਜੂਨੋ ਮਿਸ਼ਨ ਉੱਤੇ ਲਗਭਗ 1.1 ਅਰਬ ਅਮਰੀਕਨ ਡਾਲਰ ਖਰਚ ਹੋਇਆ ਹੈ।