الکوليزم

په کافي اندازه څښل په وینه کې د الکول غلظت (BAC) له ۰.۰۳-۰.۱۲ سلنې لامل کېږي چې دا په عمومي ډول د روږدي کس په خلق کې ښه والۍ او د احتمالي خوښۍ (د خوښۍ احساس) لامل کیږي همدارنګه پر ځان باور او ټولنیز وړتیا وده کوي ، خپګان او تشویش کموي ، په مخ کې سوروالی پیدا کېږي او ضعیف قضاوت کول یې نښې دي. دغه راز له ۰.۰۹ نه تر ۰.۲۵ سلنې پورې BAC د سستۍ، بې خوبۍ، د توازن ستونزې او د لید د تیاره کېدو لامل کېږي. له ۰.۱۸ نه تر ۰.۳۰ پورې BAC د ژورې ګډوډۍ، د وینا کمزورتیا (د بېلګې په توګه سپکې وینا)، ړنګ بنګ کېدل، سر درد، او د کانګې سبب ګرځي. همدارنګه له ۰.۲۵ نه تر ۰.۴۰ پورې BAC د مغشوشتیا، بې هوښۍ، د حافظې کمزوري کېدل، کانګې (چې دې وخت کې مړینه کېدای شي د بې هوښۍ په وخت کې د کانګې په تنفس کولو سره رامنځ ته شي) او تنفسي ستونزو (د ژوند تهدید کېدل) لامل کیږي. له ۰.۳۵ نه تر ۰.۸۰پورې BAC د کوما (بې هوشي)، د ژوند ګواښونکي،  تنفسي ستونزوې او احتمالا د وژونکي الکول مسمومیت لامل شې. دغه راز د ټولو الکولي مشروباتو په څېر د الکول څښل هم د موټر چلولو، الوتکې چلول او یا د درنو ماشینونو چلول پر مهال د حادثې خطر زیاتوي، چې ډېری هېوادونه د نشې وخت کې د موټر چلولو لپاره جریمې لري.

د ښځو لپاره په ورځ کې له یو ځل نه زیات څښاک او د نارینه وو لپاره په ورځ کې له دوه ځلو نه ډېر څښل د زړه ناروغۍ، د وینی لوړ فشار، زړه ټکان او د سکتې خطر زیاتوي، چې د الکولو ډیر مصرف سره خطر نور هم زیاتیږي کوم چې کېدای شي د تاوتریخوالی یا د پیښو په بڼه وي. داسې انګېرل کېږي چې هر کال شاوخوا ۳.۳ میلیون مړینې (د ټولو مړینو ۵.۹سلنه) د الکول له امله دي، چې الکوليزم د یو کس د عمر شاوخوا لس کاله کموي دغه راز د الکول څښل په متحده ایالاتو کې د وخت نه مخکې د مړینې درېیم لوی لامل ګڼل کېږي. همدارنګه د الکولو اوږدمهاله مصرف د یو شمېر فزیکي نښو لامل کیدی شي پشمول د ځيګر التهابي کېدل، د پانقراص التهابي کېدل، مېرګي، الکول له امله د عقل زوال ، د زړه ناروغي، د تغذیې کمښت ، د معدې زخم، جنسي ضعف او په پایله کې وژونکي کېدای شي. په نورو فزیکي اغیزو کې د زړه د ناروغۍ خطر، د الکولي ځیګر ناروغۍ او ډېری سرطانونه شامل دي. دغه راز د دوامداره الکول څښلو په پایله کې مرکزي عصبي سیسټم او محیطی عصبي سیسټم ته زیان پېښ شي. ^{[۲۹][۳۰][۳۱][۳۲][۳۳][۳۴][۳۵]}

ښځې د نارینه وو په پرتله په چټکۍ سره د الکولو مصرف اوږدمهاله اختلالاتو سره مخ کېږي، چې په ښځو کې د اوږدمهاله اختلاط کېدای شي د دماغ، زړه او ځيګر زیانونه او د سینې سرطان وي. سربیره پردې د وخت په تیرېدو سره ډېر څښل په میرمنو کې د زیږون فعالیت باندې منفي اغېزه لري او د تناسلي اختلالاتو لامل کیږي لکه د انوولیشن، د تخمو کمېدل، د حیض دورې کې ستونزې یا بې نظمۍ پیدا کېدل. دغه راز د الکول مصرف معمولا د ښځو په وینه کې د الکول لوړ غلظت (BACs) لامل کیږي ځکه چې میرمنې عموما لږ وزن لري او د بدن غوړ لوړه سلنه لري^{[۳۶][۳۷][۳۸][۳۹][۴۰]}

د الکولو ډېر مصرف په ټولنه کې جدي ستونزې رامنځته کوي، چې دا ستونزې په مغز کې د پتالولوژیکي بدلونونو او د الکول نشه ایې اغېزو له امله رامنځته کېږي. همدارنګه د الکول مصرف د جنایي جرمونو لکه له ماشومانو نه ناوړه ګټه اخیستنه، کورني تاوتریخوالی، جنسي تیري او غلا لامل کېږي. دغه راز الکوليزم د دندې د لاسه ورکولو لامل هم کېږي، چې کولی شي مالي ستونزي رامنځته کړي. په نامناسبو وختونو کې د الکول څښل د قانوني پایلو لامل کېدی شي لکه په نشې حالت کې د موټر چلولو لپاره د جریمې یا د جرمي چلند لپاره مدني جزاوې. همدارنګه نشې وخت کې د الکولي چلند او رواني اختلالات د هغه شاوخوا خلکو باندې ژوره اغېزه کولای شي او له کورنۍ او ملګرو نه د جلا کېدو لامل کېدای شي، چې له کورنۍ نه دا انزوا کولی شي زوجي تعلقاتو کې ستونزې راپیدا کړي او د طلاق یا کورني تاوتریخوالي لامل شي. دغه راز الکوليزم  ماشومانو ته د بې غورۍ لامل ګرځي چې دا د ماشومانو احساساتي ودې ته هم دایمي زیان رسولی شي. د دې له امله، د هغو کسانو ماشومان چې الکول مصرفوي ممکن یو شمېر احساساتي ستونزې ولري. د بېلګې په توګه دا ماشومان ممکن د مور او پلار د بې ثباته چلند له امله وېره ولري او ښایی دوی د خپل بې وسۍ له امله چې خپل مور او پلار له الکولیزم نه خلاص کړي شرم پیدا کړی او په پایله کې د خپګان لامل کېدای شی. ^{[۴۱][۴۲][۴۳][۴۴][۴۵][۴۶][۴۷]}