ஐலவ்யூ

ஐலவ்யூ (ILOVEYOU) அல்லது இலவு இலெற்றர் (Love Letter) என்பது கிறீன்விச்சு இடைநிலை நேரப்படி, 2000ஆம் ஆண்டு மே 4ஆம் நாள் அன்றும் அதன் பின்னரும் மில்லியன் கணக்கிலான விண்டோசுக் கணினிகளைத் தாக்கிய கணினிப் புழு ஆகும்.^[1] இது "ILOVEYOU" என்ற தலைப்புடன் "LOVE-LETTER-FOR-YOU.txt.vbs" என்ற இணைப்பைக் கொண்ட மின்னஞ்சலால் பரவியது.^[2] இவ்விணைப்பைத் திறக்கும்போது ஒரு விசுவல் பேசிக்கு நிரல் செயற்படத் தொடங்கும்.^[3] இந்நிரல் கணினியில் படிமக் கோப்புகளை மேலெழுதி விடுவதுடன், விண்டோசு முகவரிப் புத்தகத்திலுள்ள அனைத்து மின்னஞ்சல் முகவரிகளுக்கும் தனது படியை அனுப்பி விடும்.^[2] மேலும், இது கடவுச்சொற்களைத் திருடும் மென்பொருளையும் தரவிறக்கம் செய்கின்றது.^[1] இப்புழுவின் 82 வகைகளைக் கண்டறிந்துள்ளதாகச் சிமாண்டெக்கு கூறுகின்றது.^[1]