சீன வங்கிக் கட்டிடம், சிங்கப்பூர்

சீன வங்கிக் கட்டிடத்தின் பழைய பகுதி 1954 ஆம் ஆண்டில் கட்டப்பட்டது. அக்காலத்தில் அது சிங்கப்பூரின் மிகவும் உயரமான கட்டிடங்களுள் ஒன்றாக விளங்கியது. தற்போது இந்தப் பெருமை இதற்கு இல்லையானாலும், இன்று இது சிங்கப்பூரில் உள்ள மிகப் பழைய வானளாவிகளுள் ஒன்றாக உள்ளது. 18 மாடிகளைக் கொண்ட இக்கட்டிடம், "பி அண்ட் டி ஆர்க்கிட்டெக்ட் அண்ட் எஞ்ஜினியர்ஸ் லிமிட்டட்." எனும் கட்டடக்கலை மற்றும் பொறியியல் ஆலோசனைச் சேவைகள் நிறுவனத்தினால் வடிவமைக்கப்பட்டது. 1954 ஆம் ஆண்டு முதல் 1974 ஆம் ஆண்டுவரை சிங்கப்பூரின் மைய வணிகப் பகுதியின் மிக உயர்ந்த கட்டிடமாக இதுவே விளங்கியது. 1974 இல் யு.ஓ.பி பிளாசா என்னும் கட்டிடம் கட்டி முடிக்கப்பட்டபோது சீன வங்கிக் கட்டிடம் இப்பெருமையை இழந்துவிட்டது.

சீன வங்கிக் கட்டிடத்தின் புதிய பகுதி 36 மாடிகளையும், 168 மீட்டர் உயரத்தையும் கொண்டது. பழைய கட்டிடத்துக்கு அருகிலேயே கட்டப்பட்ட இப் புதிய கட்டிடம் 2000 ஆவது ஆண்டில் கட்டி முடிக்கப்பட்டது.

• சிங்கப்பூரின் மிக உயர்ந்த கட்டிடங்களின் பட்டியல்
• சீன வங்கிக் கட்டிடம், ஆங்காங்