செருமேனேட்டு

சிலிக்கனைப் போலவே செருமேனியமும் நான்முக {GeO₄}^[2] அலகுகள் கொண்ட பல சேர்மங்களை உருவாக்குகிறது. ஆனாலும் 5 ^[3] மற்றும் 6 ^[2] ஒருங்கிணப்பு முறைமைகளையும் வெளிப்படுத்துகிறது. சிலிக்கேட்டுகள் மற்றும் அலுமினோ சிலிக்கேட்டுகள்^[4] வரிசைகளை ஒத்த எல்லா வகையான வரிசைச் சேர்மங்களையும் உருவாக்கவும் இதனால் முடிகிறது. உதாரணமாக Mg₂GeO₄ ஒலிவைன் மற்றும் சிபினல் வடிவச் சேர்மங்கள் CaGeO₃ (பெரோவ்சிகைட்டு அமைப்பு), Be₂GeO₄ (பீனாகைட்டு அமைப்பு) ஆகியவை சிலிக்கேட்டுகளின் அமைப்புகளுடன் ஒன்றுபடுகின்றன^[4][5]. BaGe₄O₉ 4 மற்றும் 6 ஒருங்கிணைப்பு முறைமை செருமேனியத்தைக் கொண்ட சிக்கல் அமைப்பைப் பெற்றுள்ளது^[5]. புவி அறிவியலில் செருமனேட்டுகள் முக்கியமான சேர்மங்களாகக் கருதப்படுகின்றன. சிலிக்கேட்டுகளின் அமைப்புகளை ஒத்த அமைப்புகளை இவை பெற்று இருப்பதால் புவியின் மூடகத்தில் கிடைக்கக் கூடிய சிலிக்கேட்டு கனிமங்களின் பண்புகள் பற்றிய ஆய்வுக்கு ஒத்தவரிசைச் சேர்மங்களாக இவற்றைப் பயன்படுத்த முடிகிறது^[6]. உதாரணமாக MnGeO₃ இது பைரோக்சின் வகை அமைப்பைக் கொண்டு MgSiO₃ கனிமத்திற்கு இணையாக உள்ளது. புவியின் மூடகத்தில் மக்னீசியம் சிலிக்கேட்டு ஒரு முக்கியமான கனிமம் என்பது குறிப்பிடத் தக்கது^[7][8][9]

கார உலோக ஆர்த்தோசெருமேனேட்டுகள், M₄GeO₄ வெவ்வேறான GeO₄⁴⁻ அயனிகளைக் கொண்டு அமிலக் கரைசல்களாக உருவாகின்றன. இவற்றில் GeO(OH)³⁻, GeO₂(OH)₂²⁻ மற்றும் [(Ge(OH)₄)₈(OH)₃]³⁻. அயனிகள் காணப்படுகின்றன^[2]. நடுவுநிலை செருமேனியம் ஈராக்சைடு கரைசல்கள் Ge(OH)₄ அயனிகளைக் கொண்டிருக்கின்றன. ஆனால் இவற்றில் GeO(OH)³⁻, GeO₂(OH)₂²⁻ முதலான உயர் pH மதிப்பு கொண்ட செருமேனேட்டு அயனிகள் காணப்படுகின்றன^[10].

1990 களில்^[11][12]நுண்துளை செருமேனேட்டுகள் முதன் முதலில் தயாரிக்கப்பட்டன. நீர்வெப்பத் தொகுப்பு முறை ஒரு பொதுவான தயாரிப்பு முறையாகப் பின்பற்றப்பட்டது. இம்முறையில் கரிம அமீன்கள். வார்ப்புருக்களாகப் (அமைப்பைக் கண்டறியும் முகவர்கள்) பயன்படுத்தப்பட்டன^[13]. சேர்மத்தில் மிகையான ஆக்சைடு அயனிகள் இருப்பதால் இக்கட்டமைப்புகளின் எதிர்மின் சுமை, செருமேனியம் 5 மற்றும் 6 என்ற உயர் அணைவு எண்களில் காணப்பட வழிவகுக்கிறது. எதிர்மின் சுமையானது அமீன்களின் நேர்மின் சுமையால் சமப்படுத்தப்படுகின்றன.

செருமேனியத்தின் 4,5 அல்லது 6 ஒருங்கிணப்பு முறைமைகள், {SiO₄} நான்முக அலகில் உள்ள Si-O பிணைப்புடன் ஒப்பிடுகையில் {GeO₄} நான்முக அலகில் இருப்பது போன்ற மிகநீண்ட Ge-O பிணைப்பு மற்றும் நான்முகத்தின் மூலைகளைப் பகிர்ந்து கொள்ளும் குறுகிய Ge-O-Ge பிணைப்புக் கோணம் ஆகியனவற்றுடன் கூடுதலாக வழக்கத்திற்கு மாறான கட்டமைப்புகளையும் செருமேனேட்டு அனுமதிக்கின்றது^[14] A zeolite reported in 2005^[15]. 2005 இல் 30 உறுப்பு வளையத் தடங்கள் ஒன்றோடு ஒன்று இணைந்து காணப்படும் ஒரு சியோலைட்டு 18.6 X 26.2 Å என்ற பெரிய நுண்துளை அளவுகளுடன் கண்டறியப்பட்டது. இயற்கையாகத் தோன்றும் பவுசாசைட்டு கனிமத்தில் 12 உறுப்பு வளையத் தடங்களே காணப்படுகின்றன^[16]). சிலிக்கன் மற்றும் செருமேனியம் தனிமங்கள் இணைந்த சிலிக்கோசெருமேனேட்டு, அலுமினியம் மற்றும் செருமேனியம் தனிமங்கள் இணைந்த அலுமினோசெருமேனேட்டு, சிர்க்கோனியம் மற்றும் செருமேனியம் தனிமங்கள் இணைந்த சிர்க்கோனோசெருமேனேட்டு கட்டமைப்பு சியோலைட்டுகளும் அறியப்படுகின்றன^[13][17].

• பிசுமத் செருமேனேட்டு
• சோடியம் செருமேனேட்டு