ஜெய்ஸ்-இ-முகமது

இந்த அமைப்பின் முக்கியக் குறிக்கோள் காஷ்மீரைத் தனி நாடாக்குவதாகும். இதன் பொருட்டு காஷ்மீரில் பல்வேறு தாக்குதல்களை நடத்தி வருகிறது.^[3][4]

இந்த அமைப்பு 2002 ஆம் ஆண்டிலிருந்து பாகிஸ்தான் நாட்டில் தடை செய்யப்பட்ட போதும், அதன் செயல்பாடுகள் பாகிஸ்தானில் தொடர்கின்றன.^[5] இப்போராளிக் குழுவை இந்தியா, பாகிஸ்தான், அமெரிக்கா மற்றும் இங்கிலாந்து ஆகிய நாடுகள் தடை செய்துள்ளன.^[1]

2000 ஆம் ஆண்டு மௌலானா மசூத் அசார் இக்குழுவைத் தொடங்கினார். இவர் இந்தியன் ஏர்லைன்ஸ் விமானம் 814 கடத்தலின் போது விடுவிக்கப்பட்டவர்.^[1][2][6] விடுதலைக்குப் பின் ஹர்கத்-உல்-முஜாகிதீன் போராளிக் குழுவிலிருந்து விலகி, இக்குழுவை ஆரம்பித்தார். ஹர்கத்-உல்-முஜாகிதீன் இயக்கத்தில் இருந்தவர்களில் பலர் இவரது ஜெய்ஸ்-இ-முகம்மது இயக்கத்தில் இணைந்தனர்.^[2] 2002 ஆம் ஆண்டு சனவரி மாதம் இப்போராளிக் குழுவை பாகிஸ்தானின் அப்போதைய அதிபர் பெர்வேஸ் முஷாரஃப் தடை செய்தார். தடையின் காரணமாக இக்குழு தனது பெயரை குத்தாம் உல்-இஸ்லாம் (Khuddam ul-Islam) என மாற்றிக் கொண்டது.^[1]

2019 -ஆம் ஆண்டு பிப்ரவரி 14 அன்று புல்வாமா எனும் இடத்தில் தீவிரவாத தாக்குதல்நடந்தது. சுதந்திர இந்தியாவின் வரலாற்றில் மிகவும் துரதிர்ஷ்டவசமான தாக்குதலான இது, இந்த இயக்கத்தால் நடத்தப்பட்டதாக இந்திய அரசு தகவல்கள் வெளியிட்டது.

• 2001 இந்திய நாடாளுமன்றத் தாக்குதல் ^[1]
• 2002 பத்திரிகையாளர் டேனியல் பேர்ள் கொலை.^[3][5]
• 2009 ஆம் ஆண்டு ஜெய்ஸ்-இ-முகம்மது இயக்கத்தினர் அமெரிக்காவில் கைது.^[7][8][9]
• 2019, பிப்ரவரி 14 காஷ்மீர் மாநில புல்வாமா மாவட்டத்தில் நடத்திய வெடிகுண்டுத் தாக்குதலில் 44 மத்திய சேமக் காவல் படையைச் சேர்ந்த வீரர்கள் மரணம் அடைத்தனர். மேலும் நாற்பதிற்கும் அதிகமானோர் காயமுற்றனர்.^[10]

• BBC Profile:Maulana Masood Azhar
• South Asia Terrorism Portal
• ISLAMIC RESEARCH SITE பரணிடப்பட்டது 2013-08-20 at the வந்தவழி இயந்திரம்