ஜேனட் ரொனால்ட்சு

ஜேனட் ரொனால்ட்சு ஆத்திரேலியாவிலுள்ள விக்டோரியாவின் வாரகுல் என்ற ஊரில் பிறந்தார்.^[1] 2007 இல் மெல்போர்ண் பல்கலைக்கழகத்தில் உடலியக்க மருத்துவத்தில் இளங்கலை முடித்தார். 2008 இல் மெல்போர்ணில் தனது உடலியக்க மருத்துவத் தொழில் வாழ்க்கையைத் தொடங்கினார். பிறகு, இவர் 2011 மற்றும் 2016 க்கு இடையில் இங்கிலாந்தில் பணியாற்றினார். 2018 முதல், இவர் ஜெர்மனியின் மியூனிக்கில் வசித்து வருகிறார்.^[2]

சூன் 26, 2019 அன்று, ஐரோப்பாவில் 2019இல் நடந்த சர்வதேச மகளிர் துடுப்பாட்டத் தகுதிச் சுற்றின் முதல் போட்டியில் இசுக்கொட்லாந்திற்கு எதிராக பெண்கள் பன்னாட்டு இருபது20 போட்டிகளில் அறிமுகமானார்.^{[3] [4]}

பிப்ரவரி 2020 இல், மஸ்கட்டில் உள்ள அல் அமெரட் துடுப்பாட விளையாட்டு மைதானத்தில் ஜெர்மனிக்கும் ஓமனுக்கும் இடையிலான இருதரப்புத் தொடரின் முதல் பெண்கள் பன்னாட்டு இருபது20 போட்டியில், ஒட்டுமொத்த 158 ஓட்டங்களில் இவர் கிறிஸ்டினா கோஃப் என்பவருடன் சேர்ந்து 71 * ஓட்டங்களை எடுத்தார். இப்போட்டியில் 115 ஓட்டத்தில் வித்தியாசத்தில் ஜெர்மனி அணியின் முதல் வெற்றியாகும்.^[5] தொடரின் மூன்றாவது போட்டியில், இவர் 47 ஓட்டங்கள் எடுத்தார். மேலும் ஆட்ட நாயகியாக தேர்வு செய்யப்பட்டார். இறுதியில் ஜெர்மனி பெண்கள் பன்னாட்டு இருபது20 தொடரை 4-0 என வென்றது. மேலும் தொடரின் நாயகியாகவும் ரொனால்ட்சு தேர்ந்தெடுக்கப்பட்டார்.^[6]

13 ஆகஸ்ட் 2020 அன்று, ஜெர்மனிக்கும் ஆஸ்திரியாவுக்கும் இடையே சீபார்ன் துடுப்பாட்ட மைதானத்தில் நடந்த மற்றொரு இருதரப்பு தொடரின் இரண்டாவது இருபது20 போட்டியில், ஜெர்மனிக்காக சதம் அடித்த முதல் ஆண் அல்லது பெண் வீரர் என்ற பெருமையை இவர் பெற்றார்.^[7] இவர் 74 பந்துகளில் 105 * ஓட்டங்களை எடுத்தார். மேலும் கோஃப் உடன் சேர்ந்து 191 ஓட்டங்கள் எடுத்தார்.^{[7] [8] [9] [10]} அடுத்த நாள் நடந்த, இருதரப்புத் தொடரின் நான்காவது போட்டியில், ரொனால்ட்சு 68* ஓட்டங்களை எடுத்தார். மேலும் கோஃப் உடன் இணைந்து 198/0 என்ற குழுவின் எண்ணிக்கையை அதிகரித்தார். இது முந்தைய நாள் அனைத்து சாதனைகளையும் முறியடித்தது.^{[8] [9][10]}

ஜெர்மனியின் அடுத்த இருதரப்புத் தொடரில், பிரான்சுக்கு எதிராக கிரெஃபெல்டில் உள்ள பேயர் உர்டிங்கன் துடுப்பாட்ட மைதானத்தில், ஜூலை 2021 இல், ரொனால்ட்சு ஐந்து போட்டிகளில் நான்கில் விளையாடினார். மூன்றாவது போட்டியில், இவர் 31 பந்துகளில் 35 ஓட்டங்கள் எடுத்து போட்டியிலும் தொடரிலும் அதிக ஓட்டங்கள் எடுத்தார். மேலும் ஆட்டநாயகி விருதும் பெற்றார்.^{[11] [12] [13]} அடுத்த மாதம், ஐரோப்பாவில் நடந்த 2021 பன்னாட்டு மகளிர் இருபது20 உலகக் கோப்பைத் தகுதிச் சுற்றில் ஜெர்மனியின் நான்கு போட்டிகளிலும் விளையாடினார்.^[14]

• Player Profile: ஜேனட் ரொனால்ட்சு கிரிக்கெட்ஆர்க்கைவில் இருந்து
• கிரிக்கின்ஃபோவில் இருந்து விளையாட்டுவீரர் விபரக்குறிப்பு: ஜேனட் ரொனால்ட்சு