தாக்கா தாக்குதல் 2016

தாக்கா தாக்குதல் 2016 என்பது 2016 ஆம் ஆண்டு ஜூலை மாதம் முதலாம் நாள் வங்காளதேசத்தின் தலைநகர் தாக்காவில் நடைபெற்ற தாக்குதலாகும்^[5]. ஐந்து ஆயுதம் தாங்கிய தீவிரவாதிகள் "ஹோலி அர்டிசன் அடுமனை"யின் மீது தாக்குதல் நடத்தினர். இத்தாக்குதலின் போது பல வெளிநாட்டு மற்றும் உள்நாட்டவரை பிணையாகவும் பிடித்து வைத்திருந்தனர். அரசு காவல்படையின் எதிர்த் தாக்குதலில் இரு காவலர்கள் கொல்லப்பட்டனர்.^[6][7] ஒட்டுமொத்த இத்தீவிரவாதத் தாக்குதல் நிகழ்வின் முடிவில் 29 பேர் கொல்லப்படனர். இதில் 18 வெளிநாட்டவரும், இரு உள் நாட்டவரும் ஐந்து ஆயுதம் தாங்கிய தீவிரவாதிகளும் மற்றும் இரு அடுமனைப் பணியாளர்களும் ஆவர்.^[8][9] வங்கதேசத்தில் நடந்த மிக மோசமான தாக்குதல் இது என உள்ளூர் ஊடகங்கள் தெரிவித்தன^[10].