துலிப் சித்திக்

இவர் பொருளாதாரப் பேராசிரியர் சபீக் சித்திக்,^[1][2][3][4] மற்றும் சேக் ரகானா, ஆகியோரின் மகள் ஆவார். சபிக் சித்திக் முனைவர் பட்டத்திற்கு படித்துக்கொண்டிருந்தபோது அவர்கள் சந்தித்தனர் ^[5] 1980 இல் கில்பர்னில் திருமணம் செய்து கொண்டனர். இவருக்கு, ரத்வான் பாபி முஜிப் என்ற ஒரு மூத்த சகோதரர்,^[6][7][8] ரூபி என்ற ஒரு தங்கை உள்ளனர்.^[9] இவர் இலண்டனின் செயின்ட் ஹெலியரில் உள்ள செயின்ட் ஹெலியர் மருத்துவமனையில் ^[10] பிறந்தார். இவருக்கு 15 வயதாக இருந்தபோது, குடும்பம் ஆம்ப்ஸ்டெட்டுக்கு குடிபெயர்ந்தது. இவர் ஒரு முஸ்லீமாக வளர்க்கப்பட்டார். மேலும் இவரது "குடும்பம் பல கலாச்சார பிரிட்டனை ஏற்றுக்கொண்டது" என்று கூறியுள்ளார்.^[11] ஒரு குழந்தையாக, இவர் நெல்சன் மண்டேலா, பில் கிளிண்டன் மற்றும் அன்னை தெரசா ஆகியோரைச் சந்தித்துள்ளார்.^[12] இவரது குடும்பத்தினர் வெள்ளை மாளிகைக்கு அழைக்கப்பட்டனர் . ^[13]

இலண்டன் பல்கலைக்கழகக் கல்லூரியில் ஆங்கில இலக்கியத்தில் இளங்கலை பட்டமும் பின்னர் லண்டன் கிங்ஸ் கல்லூரியில் முதுகலை பட்டமும் முடிப்பதற்கு முன்பு ஆம்ப்ஸ்டெட்டில் உள்ள ராயல் பள்ளியில் பயின்றார். செப்டம்பர் 2011 இல், இவர் அரசியல், கொள்கை மற்றும் அரசாங்கத்தில் இரண்டாவது முதுகலைப் பட்டம் முடித்தார். ^{[14][15][16][17]}

இவரது தாய்வழி தாத்தா சேக் முஜிபுர் ரகுமான், வங்காளதேசத்தில் முதல் குடியரசுத்தலைவர் ஆவார். இவரது தாயின் மூத்த சகோதரி வங்கதேச பிரதமர் சேக் அசீனா ஆவார் . 1975 ஆம் ஆண்டில், வங்காளாதேச இராணுவ வீரர்கள் வங்காளதேசத்தில் உள்ள இவரது தாயார் வீட்டிற்குள் நுழைந்து இவரது தாத்தா சேக் முஜிபுர் ரகுமானை அவரது மூன்று மகன்கள், குடும்பத்தின் 16 உறுப்பினர்களுடன் இராணுவ ஆட்சிக் கவிழ்ப்பில் படுகொலை செய்தனர் . இவரது தாயின் மூத்த சகோதரியும், இவரது தாயும் ஜெர்மனிக்கு சென்றிருந்ததால் உயிர் தப்பினர்.

2015 பொதுத் தேர்தலில், சித்திக் 23,977 வாக்குகளுடன் ஆம்ப்ஸ்டெட் மற்றும் கில்பர்ன் தொகுதியை வென்றார். 67.3% வாக்குகளைப் பெற்றார்.^[18][19][20] சூன் 2015 இல், சித்திக் ஆண்டிசெமிட்டிசத்திற்கு எதிரான அனைத்து கட்சி நாடாளுமன்றக் குழுவின் துணைத் தலைவராக நியமிக்கப்பட்டார்.^[21][22] இவர் பெண்கள் மற்றும் சமத்துவ தேர்வுக் குழுவின் உறுப்பினராகவும் உள்ளார்.^[23] அதே மாதத்தில், தொழிலாளர் தலைமைத் தேர்தலில் ஜெர்மி கோர்பினை வேட்பாளராக நியமித்த 36 தொழிற்கட்சி நாடாளுமன்ற உறுப்பினர்களில் ஒருவராக இருந்தார், பின்னர் இவர் ஆண்டி பர்ன்ஹாமை ஆதரித்தார்.^[24]

இவர் ஒரு முஸ்லீமாக இருந்தாலும் ^[25] வர் "மதத்தை விட கலாச்சாரம் முக்கியமானது" என்று கூறினார்.^[12] 2013 ஆம் ஆண்டில்,^[26] இவர் கிறிஸ்டியன் வில்லியம் செயின்ட் ஜான் பெர்சி என்பவரை மணந்தார். ஜான் (பிறப்பு 1984),^[27] கேம்பிரிச்சில் படித்தவர்.^[28] நிறுவன இயக்குனராகவும்,^[29] பிரிட்டிசு அரசு சேவை பின்னணி கொண்ட மூலோபாய ஆலோசகர் ஆவார்.

இவர்களுக்கு ஒரு மகள் இருக்கிறார்.^{[30][31][32][33][34]} இவர் சனவரி 2019 இல் ஒரு மகனைப் பெற்றெடுத்தார்.^[35]

• அதிகாரப்பூர்வ இணையதளம்
• Profile at ஐக்கிய இராச்சியத்தின் நாடாளுமன்றம்
• Contributions in Parliament at Hansard
• Voting record at Public Whip
• Record in Parliament at TheyWorkForYou
• Tulip Siddiq on Huffington Post
• Tulip Siddiq பரணிடப்பட்டது 2018-10-08 at the வந்தவழி இயந்திரம் on Camden Council