தைட்டானியம் கார்பைடு

தைட்டானியம் கார்பைடு (Titanium carbide) என்பது TiC என்ற மூலக்கூற்று வாய்ப்பாடு கொண்ட ஒரு கனிம வேதியியல் சேர்மமாகும். எளிதில் உருகாத மீக்கடினப் பீங்கான் பொருளான இதன் மோ மதிப்பு 9 முதல் 9.5 ஆக உள்ளது. தங்குதன் கார்பைடின் பண்புகளையே இதன் பண்புகளும் ஒத்துள்ளன. தோற்றத்தில் கருப்பு நிறத்தூளாகத் தெரியும் இது முகமையக் கனசதுரக் கட்டமைப்புடன் சோடியம் குளோரைடின் கட்டமைப்புடன் காணப்படுகிறது.

தைட்டானியம் கார்பைடு

இனங்காட்டிகள்
சிஏஎசு எண்	12070-08-5 Y
பண்புகள்
மூலக்கூறு வாய்பாடு	TiC
வாய்ப்பாட்டு எடை	59.89 கிராம்/மோல்
தோற்றம்	கருப்பு நிறத்தூள்
அடர்த்தி	4.93 கி/செ.மீ3
உருகுநிலை	3,160 °C (5,720 °F; 3,430 K)
கொதிநிலை	4,820 °C (8,710 °F; 5,090 K)
நீரில் கரைதிறன்	நீரில் கரையாது
காந்த ஏற்புத்திறன் (χ)	+8.0·10−6 செ.மீ3/மோல்
கட்டமைப்பு
படிக அமைப்பு	கனசதுரம், cF8
புறவெளித் தொகுதி	Fm3m, No. 225
ஒருங்கிணைவு வடிவியல்	எண்முகம்
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். | colspan=2 |  N verify (இது: Y/N?) வார்ப்புரு மேற்கோள்கள்

தைட்டானியம் கார்பைடைக் கொண்டு பீங்கானுலோகங்கள் தயாரிக்கப்படுகின்றன. இவை பெரும்பாலும் இயந்திர எஃகு பாகங்கள் தயாரித்தலில் பயன்படுகின்றன. விண்வெளி ஊர்திகளில் வெப்பப் பாதுகாப்பு அமைப்புகளில் தைட்டானியம் கார்பைடு மேற்பூச்சாகப் பயன்படுத்தப்படுகிறது^[1].

காம்ராபேவைட்டு ((Ti,V,Fe)C) என்ற மிக அரிதான கனிமமாக தைட்டானியம் கார்பைடு இயற்கையில் கிடைக்கிறது. தற்கால கிர்கிசுத்தான் நாட்டில் உருசியாவின் சாட்கல் மாவட்டம் அராசுகன் மலையில் 1984 ஆம் ஆண்டில் இது கண்டறியப்பட்டது^[2]. உசுபெக்கித்தான் நாட்டைச் சேர்ந்த புவியியல் மற்றும் புவி இயற்பியல் துறையின் இயக்குநர் இப்ராகிம் காம்ராபேவிச்சு காம்ராபேவ் கண்டுபிடித்த காரணத்தால் கனிமத்திற்கு இப்பெயர் சூட்டப்பட்டது.