வீராச்சாமி உணவு விடுதி

வீராச்சாமி உணவு விடுதி (Veeraswamy), இங்கிலாந்தின் இலண்டன் நகரத்தின் வெஸ்ட்மின்ஸ்டர் பகுதியின் ரீஜெண்ட் தெருவில் 1926ஆம் ஆண்டு முதல் செயல்படும் இந்திய உணவகம் ஆகும். இதனை எட்வர்டு பால்மோர் எனும் ஆங்கிலோ-இந்தியர் நிறுவினார். இதுவே ஐக்கிய இராச்சியத்தின் மிகப்பழமையான இந்திய உணவகம் ஆகும்.^[1][2] எட்வர்டு பால்மோரின் முன்னோரான வீராச்சாமி பெயரில் இந்த உணவகத்தை துவக்கினார்.^[3] துவக்க காலத்தில் ஆங்கிலோ-இந்தியர்களுக்கான உணவுகளை சமைத்தார். தற்போது இந்த வீராச்சாமி உணவகத்தில் வட இந்திய பஞ்சாபி, லக்னோ, காஷ்மீர் உணவு வகைகளும், தென்னிந்தியா உணவு வகைகளும் கிடைக்கிறது.