అనిత
అనిత (జననం: ఏప్రిల్ 14, 1981) ఒక భారతీయ నటి, మోడల్. ఆమె తెలుగు, హిందీ, తమిళ, కన్నడ లాంటి పలు భాషల సినిమాల్లోనూ, సీరియళ్ళలోనూ నటించింది. 2001లో తేజ దర్శకత్వంలో వచ్చిన నువ్వు నేను సినిమా ద్వారా చిత్రరంగానికి పరిచయం అయింది. ఈ సినిమా పలు విభాగాల్లో నంది పురస్కారాలు అందుకుంది.
అనిత | |
---|---|
జననం | అనిత హస్సానందాని 1981 ఏప్రిల్ 14[1][2] |
జాతీయత | భారతీయురాలు |
వృత్తి | మోడల్, నటి |
జీవిత భాగస్వామి | రోహిత్ రెడ్డి (m. 2013) |
వ్యక్తిగత జీవితం
అనిత ఏప్రిల్ 14, 1981 న ముంబై లో జన్మించింది. అక్టోబరు 14, 2013 న వ్యాపారవేత్త రోహిత్ రెడ్డిని గోవాలో వివాహం చేసుకుంది.[3]
కెరీర్
అనిత 2001లో తేజ దర్శకత్వంలో వచ్చిన నువ్వు నేను సినిమా ద్వారా చిత్రరంగానికి పరిచయం అయింది. తరువాత తరుణ్ హీరోగా నటించిన నిన్నే ఇష్టపడ్డాను సినిమాలో రెండో హీరోయిన్ గా నటించింది. తొట్టిగ్యాంగ్ సినిమాలో ఒక హీరోయిన్ గా నటించింది. 2003 లో థ్రిల్లర్ సినిమా కుచ్ తో హై ద్వారా హిందీ సినిమా రంగంలోకి ప్రవేశించింది. కళావర్ కింగ్ సినిమాలో ఓ అతిథి నృత్యంలో కనిపించింది.[4]
ఎవర్ యూత్, బోరో ప్లస్, సన్ సిల్క్ లాంటి ఉత్పత్తులకు ప్రచారం చేసింది.[5]