శ్రీ గౌరి ప్రియ
శ్రీ గౌరి ప్రియా రెడ్డి భారతదేశానికి చెందిన సినిమా నటి. ఆమె 2021లో మెయిల్ వెబ్ సిరీస్ ద్వారా సినీరంగంలోకి అడుగుపెట్టి రైటర్ పద్మభూషణ్, మ్యాడ్ సినిమాల్లో నటనకుగాను మంచి గుర్తింపు తెచ్చుకుంది.
శ్రీ గౌరి ప్రియ | |
---|---|
జననం | 1998 నవంబర్ 13 హైదరాబాద్, తెలంగాణ |
జాతీయత | భారతీయురాలు |
పౌరసత్వం | భారతదేశం |
వృత్తి | నటి, గాయని |
క్రియాశీల సంవత్సరాలు | 2016 - ప్రస్తుతం |
తల్లిదండ్రులు | శ్రీనివాస్ రెడ్డి, వసుంధర |
జననం, విద్యాభాస్యం
శ్రీ గౌరి ప్రియ హైదరాబాద్లో శ్రీనివాస్ రెడ్డి, వసుంధర దంపతులకు జన్మించింది. ఆమె బేగంపేటలోని సెంట్ ఫ్రాన్సిస్ ఉమెన్స్ కాలేజ్ లో బ్యాచిలర్ ఆఫ్ మేనేజ్మెంట్ స్టడీస్ పూర్తి చేసింది.[1]
సినీ ప్రస్థానం
శ్రీ గౌరి ప్రియ చిన్నప్పటి నుంచి కల్చరల్ యాక్టివిటీస్ లో ఇంట్రెస్ట్ ఉండేది. స్కూల్, కాలేజ్ కార్యక్రమాల్లో పాల్గొనేది. ఆమె బోల్ బేబీ బోల్ ప్రోగ్రాంలో రెండవ సీజన్ లో రెండవ స్థానంలో, మూడవ సీజన్ లో మొదటి స్థానంలో నిలిచింది. శ్రీ గౌరి ప్రియ సాక్షి ఎరీనా యూత్ సింగింగ్ కాంపిటీషన్ లో విజేతగా నిలిచి కొంతకాలం జెమినీ టీవీలో యాంకర్ గా పని చేసి నిర్మలా కాన్వెంట్, మనలో ఒకడు, ఫిదా సినిమాల్లో చిన్న పాత్రల్లో నటించి 2018లో మిస్ హైదరాబాద్ టైటిల్ గెలిచిన తర్వాత సినిమా అవకాశాలు రావడంతో ఆమె 2021లో తొలిసారి మెయిల్ వెబ్ సిరీస్లో నటించింది.[2]
సినిమాలు
సంవత్సరం | సినిమా పేరు | పాత్ర | ఇతర విషయాలు |
2016 | నిర్మలా కాన్వెంట్ | గుర్తింపు లేని పాత్ర | |
మనలో ఒకడు | గుర్తింపు లేని పాత్ర | గాయని కూడా | |
2017 | ఫిదా | గుర్తింపు లేని పాత్ర | |
2021 | మెయిల్ | రోజా | వెబ్ సిరీస్[3] |
లవ్ స్టోరీ | |||
శ్రీకారం | |||
2023 | రైటర్ పద్మభూషణ్ | కన్నా | [4] |
మోడరన్ లవ్ చెన్నై | శోభా | తమిళ వెబ్ సిరీస్[5] | |
మ్యాడ్ | శృతి | [6] | |
2024 | ట్రూ లవర్ | దివ్య | [7][8] |