వైకుంఠం

వైకుంఠం హిందూ దేవుడైన విష్ణుమూర్తి ఆవాసం. దీనికి విష్ణులోకం అని కూడా పేరు. ^[1] విష్ణుమూర్తి హిందూమతంలోని త్రిమూర్తులలో ఒక దైవం. వైకుంఠంలో పాల సముద్రం మధ్యన ఆదిశేషునిపై విష్ణుమూర్తి లక్ష్మీ సమేతంగా ఉంటాడు. వైకుంఠం పరమపదం, అది సమస్త లోకాల కంటే పైన ఉంటుంది, దానికి ఆవల మరింకేమీ లేదని శ్రీమద్రామానుజులు ప్రవచించారు. వైకుంఠానికి జయ విజయులు ద్వార పాలకులు. ^[2]

వైకుంఠం 2,62,00,000 యోజనాల దూరంలో, సత్యలోకానికి (బ్రహ్మలోకం) ఆవల మకరరాశిలో ఉంటుంది.^[3] విశ్వానికి దక్షిణాగ్రం విష్ణుమూర్తి నేత్రమనీ, అక్కడి నుండే విష్ణువు విశ్వాన్ని పాలిస్తూంటాడనీ ఒక భావన.^[4]

ఋగ్వేదం ఇలా చెబుతోంది:

తద్విష్ణో పరమం పదం సదా పశ్యన్తి సురాయా^[5]

(దేవతలు సదా విష్ణుధామమైన పరమ పదం వైపు చూస్తూ ఉంటారు),^[6]