Adele
Si Adele Laurie Blue Adkins [1] (ipinanganak noong 5 Mayo 1988), na higit na kilala bilang Adele lamang, ay isang Inglesang artistang nagrerekord at manunulat ng awitin. Pagkatapos magtapos mula BRIT School para sa Performing Arts and Techonology noong 2006, binigyan si Adele ng isang kontrata ng pagrerekord mula sa XL Recordings pagkaraang ipaskil ng isang kaibigan ang kanyang pagpapamalas o demonstrasyon sa MySpace sa kaparehong taon. Sa sumunod na taon, nakatanggap siya ng "Critics' Choice" (Napili ng mga Manunuri) ng Gantimpalang Brit at nagwagi sa Tunog ng 2008 ng BBC. Ang kanyang debut o pampasinayang album na 19 ay pinakawalan noong 2008 na may katagumpayang pangkumersiyo at pangmanunuri. Ang album nabigyan ng sertipikasyon nang apat na ulit bilang platinum sa Nagkakaisang Kaharian, at doble o dalawang platinum sa Estados Unidos.[4][5] Ang kanyang karera sa Estados Unidos ay ibinunsod at natulungan ng isang paglitaw sa Saturday Night Live noong kahulihan ng 2008. Sa Grammy Awards ng 2009, nakatanggap si Adele ng mga gantimpala bilang Pinaka Mahusay na Bagong Artista at sa pagiging Pinaka Mahusay na Pagtatanghal na Pangtinig ng Pop ng Isang Babae.[6][7]
Adele MBE | |
|---|---|
 Si Adele sa kanyang concert tour na Adele Live 2016, Marso 2016 | |
| Kapanganakan | Adele Laurie Blue Adkins[1] 5 Mayo 1988 Tottenham, London, Ingglatera |
| Nagtapos | BRIT School |
| Trabaho |
|
| Asawa | Simon Konecki (m. 2017) |
| Anak | 1 |
| Karera sa musika | |
| Genre | |
| Instrumento |
|
| Taong aktibo | 2006–kasalukuyan |
| Label |
|
| Website | adele.com |
Noong Abril 4, 2008 nagsimula siyang mag-publish ng kanyang musika sa YouTube, at sa taong 2023, umabot sa 30 milyong subscriber ang kanyang channel sa YouTube at nakakuha ng kabuuang 13.9 bilyong panonood ng video.[8]
Inilabas ni Adele ang kanyang ikalawang album na 21 (Adele album), noong unang bahagi ng 2011.[9][10] Naging mabuti ang pagtanggap ng mga manunuri sa album at nalampasan ang tagumpay na natanggap niya mula sa kanyang pagpapasinaya.[11] Nakatulong ang 21 upang makamit ni Adele ang Gantimpalang Grammy noong 2012 kabilang ang Album ng Taon, na pumapantay sa rekord para sa karamihan ng mga Gantimpalang Grammy na napanalunan ng isang artistang babae sa loob ng isang gabi lamang.[12][13] Nakatulong din ang album upang makatanggap siya ng marami pang ibang mga gantimpala, kabilang na ang dalawang Gantimpalang Brit at tatlong Gantimpalang Pangmusika ng Amerika. Ang album ay nabigyan ng katibayan ng 15 mga ulit bilang platinum sa Nagkakaisang Kaharian;[4] sa Estados Unidos, ang album ay nanatili sa pangunahing puwesto na mas matagal kaysa sa anumang iba pang mga album magmula noong Set Fire to the Rain 1985.[14]
Ang tagumpay ng 21 ay nakapagkamit para kay Adele ng maraming mga pagbanggit sa Guinness Book Of World Records. Siya ang unang artista na nakapagbenta ng mahigit sa 3 milyong mga kopya ng isang album sa loob ng isang taon sa Nagkakaisang Kaharian.[15] Sa pamamagitan ng dalawa niyang album at ang unang dalawang mga singgulo mula sa 21, ang "Rolling in the Deep" at ang "Someone Like You", si Adele ay naging ang pinaka unang artistang nabubuhay na makakamit ng kahanga-hangang gawa na dalawang nangungunang mga patok na pangmusika kapwa sa UK Official Singles Chart at sa Official Albums Chart nang sabayan magmula noong panahon ng The Beatles noon 1964.[16][17] Sa pamamagitan ng ikatlong pagpapakawala mula sa album na "Set Fire to the Rain", na naging pangatlong pang-unang singgulo sa Estados Unidos, si Adele ang naging unang artista sa kasaysayan na manguna sa Billboard 200 na kasabayan ng tatlong mga pang-una na nasa Billboard Hot 100.[18] Si Adele rin ang unang artistang babaeng nagkaroon ng tatlong mga singgulong nasa nangungunang 10 ng Billboard Hot 100 sa gayon ding panahon, at ang unang artistang babae na nagkaroon ng dalawang mga album na nasa nangungunang 5 ng Billboard 200 at dalawang mga singgulong nasa nangungunang 5 ng Billboard Hot 100 na nagsasabayan.[19] Ang 21 ang pinaka matagal na tumatakbong nangungunang album ng isang babaeng artistang nagsosolo sa UK Albums Chart ("Talangguhit ng mga Album ng Nagkakaisang Kaharian")[20] at bilang pinaka matagal na tumatakbong nangungunang album ng isang babae sa kasaysayan ng Billboard.[21] Noong 2011, pinangalanan ng Billboard si Adele bilang artista ng taon.[22]