Pangmadaliang pagkain
Ang pangmadaliang pagkain (Ingles: fast food) ay isang uri ng pagkaing maramihang-gawa na idinisenyo para sa komersyal na pagbebenta, na may labis-labis na pagdiriin sa bilis ng serbisyo. Isa itong katawagang komersyal, limitado sa pagkain na ibinebenta sa restawran o tindahan na may sangkap na elado, patiunang pinainit o niluto at inihain sa balutang pang-take-out. Nilikha ang pangmadaliang pagkain bilang estratehiyang komersyal na mapaunlakan ang malalaking bilang ng mga bising biyahero at mga manggagawa. Noong 2018, tinatantiyang $570 bilyon ang halaga ng industriya ng pangmadaliang pagkain sa buong mundo.[1]
.jpg)
.jpg)
.jpg)
Ang pinakamabilis na anyo ng "pangmadaliang pagkain" ay binubuo ng mga pagkaing patiunang niluto na nagpapababa ng panahon ng paghihintay sa ilang segundo lamang. Sa mga ibang kainang pangmadalian, pangunahin ang mga burgeran kagaya ng McDo, ay gumagamit ng sangkap na maramihang-gawa, at patiunang inihanda (binalutang tinapay at kondimento, eladong patty ng baka, gulay na patiunang hinugasan, hiniwa, o pareho; atbp.) at niluluto lang ang karne at pritong patatas bago iimpake ang order.
Pagkakaroon ng drive-thru ang karaniwang nagpapaiba sa mga pangmadaliang kainan. Maaari itong maging kiyosko, na walang kanlungan o upuan,[2] o restawran (na kilala rin bilang quick service restaurant o "restawrang mabilis-serbisyo").[3]
Sa karamihan ng pangmadaliang pagkain, mataas ang nasasalang taba, asukal, asin at kaloriya.[4] Naiugnya ang pangmadaliang pagkain sa mas nanganganib na magkaroon ng sakit sa puso, kanser sa pagdumi, labis na katabaan, mataas na kolesterol, paglaban sa insulin at depresyon.[5][6][7][8] Nananatiling matatag ang mga ugnayang ito kahit ikontrol ang mga baryableng nagpapalito sa pamumuhay, na nagmumungkahi ng malaking kaugnayan ng pagkokonsumo ng pangmadaliang pagkain at higit na panganib na magkasakit at mamatay nang maaga.[9]