تمغاجات گرمائی اولمپکس 1896ء

تمغاجات گرمائی اولمپکس 1896ء ، قومی اولمپک کمیٹیوں کے 1896ء گرمائی اولمپکس میں دیے جانے والے تمغوں کی فہرست ہے۔ یہ جدید دور کے پہلے اولمپکس تھے۔ جو 6 تا 15 اپریل 1896ء کو ایتھنز، مملکت یونان میں منعقد ہوئے۔ کل 241 کھلاڑی 14 ممالک سے 9 کھیلوں کے 43 مقابلوں میں شریک ہوئے۔^[1]

مقام	ایتھنز،  یونان
شماریات
سب سے زیادہ تمغے	یونان 47
سب سے زیادہ طلائی تمغے	ریاستہائے متحدہ 11
سب سے زیادہ نفری تمغے	یونان 8
سب سے زیادہ کانسی تمغے	یونان 19
اولمپکس تمغاجات 1900ء →

شریک چودہ ممالک میں سے دس نے تمغے حاصل کیے، مخلوط ٹیموں (یعنی متعدد ممالک کے کھلاڑیوں پر مشتمل ٹیمیں) کے تین تمغے اس کے سوا تھے۔ ریاست ہائے متحدہ امریکا نے سب سے زیادہ 11 طلائی تمغے جیتے، امریکا کے صرف 14 کھلاڑیوں نے 3 کھیلون میں حصہ لیا تھا، جب کہ میزبان ملک، یونان کے 169 کھلاڑیوں نے 9 کھیلوں میں حصہ لیا اور مجموعی طور پر سب سے زیادہ 46 تمغے جیتے، یونان سب سے زیادہ چاندی کے17 اور کانسی کے 19 تمغے جیتنے والا ملک تھا، اس کا امریکا سے صرف ایک طلائی تمغا کم تھا، جب کہ ریاست ہائے متحدہ امریکا سے اس کے 155 کھلاڑی زیادہ تھے۔^[2]

ابتدائی اولمپک کھیلوں میں، متعدد کھلاڑیوں نے مختلف ممالک کی ٹیموں میں شامل ہو کر مقابلہ کیا۔^[3] سابقہ دور میں، آئی او سی نے "مخلوط ٹیم" (مع کوڈ (ZZX) کے گنجائش پیدا کی تھی۔کچھ کھلاڑیوں نے انفرادی طور پر دونوں تمغے جیتے بطور مخلوط ٹیم کے حصے کے، لہزا یہ تمغے اصل ملک کی بجائے، جن کی طرف سے کھلاڑی کھیلا، ان کے حصے میں شمار کیے گئے ہیں۔ دیونیسیوس کاسداگلیس، یونان کا ایک کھلاڑی جو اسکندریہ، مصر کا رہائشی تھا، وہ آئی او سی کے تحت دوران مقابلہ سنگل ٹینس میں یونان لیکن ڈبل ٹینس میں اپنے یونانی ساتھی دمتریوس پتروکوکینوس کے ساتھ مخلوط ٹیم کا حصہ تھا۔^[2]

ان افتتاحی اولمپکس کے دوران میں، فاتحین کو چاندی کا تمغا اور زیتون کی شاخ دی گئی، جب کہ دوسرے نمبر پر آنے والے کو کانسی کا تمغا اور کافوری درخت کی شاخ دی گئی۔^[4] آئی او سی نے حالیہ روایات کے مطابق ہر ایونٹ میں اولین تین پوزیشن لینے والے تین کھلاڑیوں کو بالترتیب طلائی، نقری اور کانسی کے تمغے تفویض کیے ہیں۔^[2]تین برابر مقابلوں کے نتیجے میں کھلاڑیوں کے مابین تمغے مشترکہ طور پر عطا ہوئے، مختلف ممالک کے تمغے کی گنتی میں اضافہ۔۔ ان برابر مقابلوں میں شامل ہیں ریاستہائے متحدہ کے فرانسس لین کے اور آلایوش سوکویی ہنگری کے درمیان میں 100 میٹر دڑ کی تیسری پوزیشن کے لیے، یونان کے ایوینجیلوس دماسکوس اور ایواںنس تھودوروپولوس کے درمیان میں پول والٹ کے لیے اور یونان کے کونستانتینوس پاسپاتیس اور ہنگری کے مومچیلو تاپاویتسا کے درمیان میں سنگل ٹینس میں۔اس کے علاوہ، متعدد مقابلوں میں جہاں تیسرے مقام پر کوئی نہیں تھا، ان میں کانسی کے تمغے نہیں دیے گئے۔^[4][5]