لائن ایئر فلائٹ 610
لائن ایئر فلائٹ 610 ایک مسافر بردار طیارہ تھا، جسے انڈونیشیائی ایئر لائن کمپنی لائن ایئر آپریٹ کرتی تھی۔ یہ طیارہ عموماً سوکارنو-ہاتا بین الاقوامی ہوائی اڈا، جکارتا سے دیپتی امیر ہوائی اڈا، پانگکل پینانگ کی طرف اڑان بھرتا تھا۔ 29 اکتوبر، 2018ء کو طیارہ اڑان بھرنے کے 13 منٹ بعد تباہ ہو گیا۔[2][3] جہاز کا ملبہ بحیرہ جاوا سے ملا۔[4] سرکاری طور پر یہ بتایا گیا کہ تمام 189 مسافر اور عملہ اس حادثے میں مر چکے ہیں۔[5]
ستمبر 2018ء کی تصویر | |
ہوائی حادثہ | |
---|---|
تاریخ | 29 اکتوبر، 2018ءء |
خلاصہ | اڑان کے 13 منٹ بعد سمندر میں گر کر تباہ |
مقام | بحیرہ جاوا، انڈونیشیا 5°46′15″S 107°07′16″E / 5.77083°S 107.12111°E |
ہوائی جہاز | |
ہوائی جہاز قسم | بوئنگ 737 میکس 8 |
آپریٹر | لائن ایئر |
آئی اے ٹی اے پرواز نمبر. | JT610 |
آئی سی اے او پرواز نمبر. | LNI610 |
پرواز نمبر | LION INTER 610 |
اندراج | PK-LQP |
مقام پرواز | سوکارنو-ہاتا بین الاقوامی ہوائی اڈا جکارتا، انڈونیشیا |
منزل مقصود | دیپتی امیر ہوائی اڈا پانگکل پینانگ، انڈونیشیا |
مسافر | 181 |
عملہ | 8 |
اموات | 189 (اندازہً تمام)[1] |
محفوظ | 0 |
لائن ایئر فلائٹ 610 کے روٹ کا نقشہ |
طیارہ
اس میں شامل طیارہ بوئنگ 737 میکس 8 تھا، رجسٹریشن PK-LQP، جسے 13 اگست 2018ء کو لائن ایئر میں نئے طیارے کے طور پر شامل کیا تھا اور حادثے سے دو مہینے پہلے ہی انڈونیشیا پہنچا تھا۔[6] حادثے کے وقت، طیارہ تقریباً 800 گھنٹے اڑ چکا تھا۔[7] 2017ء میں سروس میں آنے کے بعد سے یہ 737 میکس طیارے کا پہلا حادثہ ہے۔[8] طیارہ میں 180 مسافر کے بیٹھنے کی گنجائش تھی۔
مسافر اور عملہ
سرکاری طور پر یہ اعلان کیا گیا کہ جہاز میں 189 لوگ سوار تھے؛ 181 مسافر (3 بچوں سمیت) اور ساتھ ہی ساتھ 2 پائلٹ اور عملے کے 6 لوگ شامل تھے۔[9]
عملہ
لائن ایئر کے مطابق اس فلائٹ کا کپتان ایک بھارتی ہے جس نے لائن ایئر کے لیے سات سال سے زائد عرصہ تک پرواز کی تھی اور تقریباً 6،000 گھنٹوں سے زائد وقت پرواز میں گزارنے کا تجربہ تھا،[10] ان کے ساتھی پائلٹ ایک انڈونیشیائی تھے جنہیں 5،000 گھنٹوں سے زائد وقت پرواز میں گزارنے کا تجربہ تھا۔[4][11]
مسافر
رپورٹ کے مطابق کئی سرکاری ملازم، ریاست کے وزیر، علاقائی پارلیمنٹ رہنما، عوامی وکلا اور ججز سمیت کئی سرکاری اور کئی نجی تنظیموں کے افراد بھی اس جہاز میں سوار تھے۔[12][13][14][15][16][17][18] اس جہاز میں دو غیر ملکی افراد شریک تھے، جن میں ایک جہاز کا کپتان بھارتی شہری اور دوسرے اطالیہ کے سابق پیشہ ورانہ سائیکل سوار اینڈریا منفریڈی تھے۔[5]
حوالہ جات
بیرونی روابط
ویکی ذخائر پر لائن ایئر فلائٹ 610 سے متعلق سمعی و بصری مواد ملاحظہ کریں۔ |
- Press releaseآرکائیو شدہ (Date missing) بذریعہ mobile.lionair.co.id (Error: unknown archive URL) – لائن ایئر
- Boeing Statement on Lion Air Flight JT 610 – بوئنگ