لی شین لونگ

لی شین لونگ 10 فروری 1952ء کو لی کوان یئو اور ان کی بیوی کوا گیوک چو کے ہاں پیدا ہوئے۔ ان کی پردادی چوا چم نیو ایک چینی الاصل خاتون تھی اور ان کی والدہ کے آباو اجداد بھی شیامین، فوجیان، چین سے آئے تھے۔^[8][9] لی کوان یئو کی سوانح حیات کے مطابق چھوٹے لی پانچ سال کی عمر میں جوی رسم الخط سیکھ چکے تھے اور انھیں ہمیشہ سے سنگاپور کے امور میں دلچسپی تھی۔

لی نے ابتدائی تعلیم ننیانگ پرائمری اسکول سے اور ثانوی تعلیم کیتھولک ہائی اسکول، سنگاپور سے حاصل کی اس کے بعد مزید تعلیم نیشنل جونیئر کالج سے حاصل کی، یہیں سے انھوں نے ایسوسی ایٹ پروفیسر ہو وی لونگ سے کلاری نٹ (clarinet) بجانا سیکھی۔ سنہ 1971ء میں انھیں پبلک سروس کمیشن نے صدارتی وظیفہ اور سنگاپور مسلح افواج سمندرپار وظیفہ دیا تاکہ وہ ٹرینیٹی کالج، کیمبرج سے ریاضی کی تعلیم پڑھ سکیں۔ وہ سنہ 1973ء میں سینئر رینگلر تھے،^[10][11] اور سنہ 1974ء میں ریاضی میں بیچلر آف آرٹس اور کیمبرج یونیورسٹی سے ہی کمپیوٹر سائنس میں ڈپلوما کیا۔ سنہ 1980ء میں جان ایف کینیڈی اسکول آف گورنمنٹ، ہارورڈ یونیورسٹی سے ماسٹر آف پبلک ایڈمنسٹریشن کی تعلیم حاصل کی۔