SARS-CoV-2 დელტა ვარიანტი
კორონავირუსი SARS-CoV-2 დელტა ვარიანტი (შტამი B.1.617.2[1]) — SARS-CoV-2 ვირუსიშ ართ-ართი ვარიანტი, ნამუთ გჷმმიჭანუანს COVID-19-ს.
ლეგენდა:
██ 5,000+ დოდასურაფილი შვანი
██ 1,000–4,999 დოდასურაფილი შვანი
██ 100–999 დოდასურაფილი შვანი
██ 10–99 დოდასურაფილი შვანი
██ 2–9 დოდასურაფილი შვანი
██ 1 დოდასურაფილი შვანი
██ ვა რე ვარ-და ვა რე მუნაჩემეფი
პირველაშე მეგორაფილქ დო ეჭარილქ იჸუ ინდოეთის[2].
ვირუსიშ თე ვარიანტიშ გინოდვალა შხვადოშხვა ხანერობაშ ბუნეფს შქას მეჸურს, თინეფს შქას 12 წანაშე 20 წანაშახ ინდივიდეფს[3]. ვირუსიშ დელტა ვარიანტიშ საინკუბაციე პერიოდი 3—7 დღას ვარინ, 1—3 დღას იგჷნძორებჷ[4]. თაშნეშე იძირებე ვირუსიშ მაღალი დოხარგუა (ვირუსიშ შხვა ვარიანტეფს შქას). გჷმმაჭანაფალიშ ორგანიზმიშე გიშაჸონაფაშ პერიოდი 13—15 დღას აკმადგინანს, თინწკჷმა, მუჟამსჷთ შხვა ვარიენტეფს 7—9 დღა რენ.
დელტა ვარიანტი გჷმიჭანუანს რთულ ფორმაშ გორგილაფაშ სიმპტომეფს, თინეფს შქას სისუსტეს, მაღალ სინჩხეს, შანგიტახას (დუდიშ ჭუას), ჸალიშ (კინჩხიშ) ჭუას, ხვალუას დო რინიტის[5]. ჰოსპიტალიზაციაშ რისკი ალფა ვარიანტწკჷმა ელაზჷმაფათ 1,85-შახ უმოსი რე.
ვირუსიშ მუტაციეფი
ვირუსიშ დელტა ვარიანტის გჷმურჩქინდჷ მუტაციაქ P681R. შედეგო დითირჷ S-ცილაშ მორჩილ ფრაგმენტიქ, დო ვირუსიქ უმოს გინმადვალუო გჷნრითჷ.
„დელტა„ ვარიანტის გჷმურჩქინდჷ გიმენღოზიქ „დელტა პლიუსი“ (B.1.617.2.1 ვარ-და AY.1). „დელტა პლიუსის“ უღუ მუტაცია K417N სპაიკურ ცილას (ანუ ვირუსიშ პეპლომერს), ნამუშ შედეგო ვირუსი ბიწორას არსხუაფუ ადამიერიშ ფიჟვეფიშ თოლეფს. რე მოარზაფა, ნამჷ-და K417N თაშნეშე ვირუსის ოხვარჷ მანეიტრალაფარი ანტირსხულეფშე დუდიშ აღებას. მოგვენი მუტაციეფი უღჷნა „ბეტა“ დო „გამა“ ვარიანტეფს.[6]
გოფაჩუა
2021 წანაშ კვირკვეშ დაჭყაფუშე, ჭყანთხილუაშ მოსოფელიშ ორგანიზაციაქ ვირუსიშ დელტა ვარიანტი 98 ქიანას დაფიქსირჷ, მუჭოთ მახორობაშ ვაქცინაციაშ მაღალინ, თეშ დაბალი ტემპით მიმალ ქიანეფს, ანდა ქიანას თინა დომინანტი ვირუსიშ ვარიანტო გჷნმირთჷ[7].
საქორთუოს
მუჭოთ იმუნიზაციაშ ტექნიკურ სხუნუშ ერუანული ბუნაშ მადუდექ, პროფესორ ივანე ჩხაიძექ გაცხადჷნ, მარაშინათუთას ალბეთ კორონავირუსიშ „დელტა ვარიანტიშ“ დომინანტალა მაღვენჷნა [8].
