克里米亞
克里米亞（烏克蘭文：Крим）係位於黑海嘅一個半島，法理上屬於烏克蘭國土。但係，自從2014年克里米亞危機爆發以嚟，一直都係畀俄羅斯強行侵佔緊。
| 克里米亞 烏克蘭文：Крим 俄文：Крым | |
|---|---|
| 半島 | |
 克里米亞半島嘅衛星雲圖 | |
| 國家 |  烏克蘭 (法律上) 俄羅斯 (事實上)[a] |
| 面積 | |
| • 總計 | 27,000 平方公里（10,000 平方英里） |
| 海拔 | 1,545 米（5,069 英尺） |
| 人口（2021）[1] | |
| • 總計 | 2,416,856 |
| • 密度 | 90/平方公里（230/平方英里） |
| ISO 3166碼 | UA-43 |
烏克蘭唯一嘅自治共和國克里米亞自治共和國佔據咗半島嘅大部份，而剩翻嘅就係塞凡堡自治市（烏克蘭文：Севастополь）。蘇聯解體之後，俄羅斯同烏克蘭達成協議，俄羅斯每年向烏克蘭交9700萬美元租金，租用塞凡堡自治市嘅烏克蘭軍港，作為黑海艦隊嘅基地。
歷史
直至近代史時期，克里米亞半島一直都係古典文化嘅邊緣，由古希臘喺公元前6世紀喺半島聚居開始。當時，希臘人喺岸邊成立咗殖民地，其中最大嘅城邦係喺依家嘅塞凡堡附近。之後，克里米亞俾古羅馬同拜占庭帝國統治，到13世紀俾蒙古帝國征服。當地嘅蒙古人成立咗克里米亞汗國，期間曾經俾鄂圖曼帝國控制，到1783年完全俾俄羅斯帝國吞并。
到1854年，當地爆發咗克里米亞戰爭，俄國雖然輸咗俾英法國同鄂圖曼帝國，但係可以留住克里米亞。到1917年俄國革命之後，克里米亞成為咗蘇聯嘅自治共和國。到1944年，史太林逼當地嘅克里米亞韃靼人成為流離失所嘅民族，嚟避免出現反蘇聯革命，一般都認為呢個係屬於種族清洗。
到1954年，當時嘅蘇聯共產黨第一書記赫魯曉夫為咗慶祝烏克蘭同俄羅斯結盟300週年，將克里米亞由蘇俄劃畀烏克蘭加盟國[2]。
1991年，喺蘇聯解體前夕，克里米亞人民喺1991年烏克蘭獨立公投選舉投票支持獨立，同時願意克里米亞成為烏克蘭領土不可分割嘅一部分。
2014年，俄羅斯派遣不明武裝分子[3]侵略同佔領克里米亞[4][5]，槍手挾持克里米亞議會嘅議員[6][7]，強逼佢哋投票支持親俄傀儡顛覆克里米亞政府[8][9]，跟住仲搞咗個唔畀聯合國同歐洲安全合作組織監督[10][11]，受到操縱嘅所謂「公投」[12][13]，之後俄羅斯宣佈吞併克里米亞[14][15]，國際社會普遍都譴責俄羅斯嘅侵略行徑[16][17]，並呼籲尊重烏克蘭嘅主權同領土完整[18][19][20][21] 。