加泰隆尼亞文

 加泰隆尼亞文（粵拼：gaa1 taai3 lung4 nei4 aa3 man4*2）（加泰隆尼亞文：català；卡斯提亞文：catalán），又叫做華倫西亞文waa4 leon4 sai1 aa3 man4*2（加泰隆尼亞文：valencià）^{[註 1]}，係印歐語系羅曼語族嘅語言，係安道爾、西班牙三個自治區：加泰隆尼亞、華倫西亞同埋巴里阿利群島嘅官方語言；喺阿拉岡、意大利嘅薩丁尼亞島同一啲法國地方都有人識講。目前大概有1,000萬人識講，主要集中喺西班牙、安道爾同埋法國。

加泰語其實比起西班牙文，較爲接近葡萄牙文、意大利文。同以上三隻羅曼語族嘅語言一樣，加泰文喺詞彙上，會有陰陽性之分（Masculí/Femení）。譬如Hora（時間）一字，係陰性嘅。

「香港人」hongkonguès一詞同英文Hongkonger一詞一樣，都係近代先出現嘅字眼，但普遍所見加泰文嘅文章，會以hongkonguès稱呼，單數女性則係用hongkonguèsa。^[1][2]

加泰文喺動詞上，同一個時態已經會有六種型態去分指唔同嘅代詞（即係你、我、他、你哋、我哋、佢哋），所以多數可以省略代詞，不過就算用咗都唔算錯。

以「Jo sóc de Hong Kong.」爲例，當中「Jo」意指「我」嘅意思，而「sóc」意指「係」，可以理解爲喺英文裏面嘅「am」。

文法上，粗略理解，代詞分陰陽性，同各自嘅單數眾數。共四種型態。

名詞只會有單數眾數之分，性別就係已經定好，需要記住佢哋嘅陰陽性先。

而動詞就每個時態六種型態，你我他三種代詞嘅型態外，再加你哋我哋佢哋三種。但唔分陰陽。