意大利文

意大利文（粵拼：ji3 daai6 lei6 man4*2；意大利文： Italiano (幫手·有關)，國際音標：[itaˈljano]；重有種講法做「意大利語言」，意文：lingua italiana，國際音標：[ˈlinɡwa itaˈljana]），簡稱意文，係屬於印歐語系意大利語族羅曼亞語族嘅語言，主要通用喺意大利。而家大概有6千3百萬人用意大利話做母語^[1]，大多數係意大利人。意大利文詞彙喺音樂、作曲嘅領域有好多應用。意大利文係羅曼語族中最似拉丁文嘅話之一，尤其係辭彙，另外意大利文嘅輔音有長短之分，同拉丁文一樣，而其他嘅羅曼語言大多都無咗呢個特色；而啲詞嘅重音（英文：Stress (linguistics)）位置比較固定，呢點同其他羅曼語言一樣。

意大利文
Italiano
發音	[itaˈljano]
用嘅國家、地區	意大利、梵蒂岡、聖馬連奴、瑞士、斯洛文尼亞、克羅地亞
區域	南歐（意大利半島、西西里、薩丁島）
講嘅人口	63,783,247（2012年）[1]
排名	19~20位
構句法	主語-謂語-賓語（SVO） 名詞-形容詞，介詞前置
系屬	印歐語系 意大利語族 羅曼語族 意大利-西羅曼語支（中文：意大利-西羅曼語支） 中羅曼語支（英文：Italo-Dalmatian languages） 意大利文
文字	拉丁字母
官方地位
官方語言	意大利 梵蒂岡 聖馬連奴 瑞士 歐盟 拉丁聯盟 馬耳他騎士團 克羅地亞（伊斯提亞） 斯洛文尼亞（皮蘭、伊佐拉、戈皮）
管理機構	古路斯卡學會（意大利文：Accademia della Crusca）（Accademia della Crusca）[2]
語言代碼
ISO 639-1	it
ISO 639-2	ita
ISO 639-3	ita
SIL	ITN
睇 傾 改

標準嘅意大利文，係中部陀斯卡拿方言嘅翡冷翠口音，呢種方言介乎於意國（包括意大利半島同附近嘅島）南部方言（比如拿坡利話（英文：Neapolitan language））同北部方言（屬高盧-意大利語支（英文：Gallo-Italic languages），係羅曼語族嘅分支）之間，所以長期以來陀斯卡拿話係標準意大利文嘅基礎。不過近年來意大利嘅經濟中心米蘭對標準意文有幾大嘅影響，米蘭話逐漸滲透入標準語文。

意大利文嘅句法係將修飾語放喺被修飾語嘅後面，基本語序係主謂賓（SVO）。