奧林匹斯山（拉丁文：Olympus Mons）係火星上面嘅一座盾狀火山，位於火星西半球北緯18.65度，東經226.2度[1]，接近塔勒薛斯高原（Tharsis）西北部邊沿。根據J. B. 普利沙（J. B. Plescia）嘅測量，奧林匹斯山嘅高度大概係（火星海拔）22千米[2]，係太陽系嘅第二高峰[3]，僅次於灶神星嘅莉亞蕭維婭盆地嘅最高峰[3]。奧林匹斯山係火星嘅大火山當中最後生嘅一座，喺亞馬遜時期形成。
