巴勒斯坦自治政府
巴勒斯坦自治政府 (阿拉伯文：السلطة الوطنية الفلسطينية，羅馬拼音：as-Sulṭa al-Waṭanīya al-Filasṭīnīya)，又叫巴勒斯坦民族權力機構，有時又會跟英文 (Palestinian Authority) 簡稱叫“PA”[6]，係一般代表巴勒斯坦國嘅政體。呢個政府包含咗法塔赫同埋哈馬斯，巴勒斯坦嘅兩個主要嘅敵對政權。
巴勒斯坦自治政府 阿拉伯文：السلطة الوطنية الفلسطينية | |
|---|---|
 旗  徽 | |
![截至2023年10月，巴勒斯坦自治政府在西岸地區同加沙走廊的實際控制範圍[2]](https://www.search.com.vn/wiki/zh-yue/File:Zones_A_and_B_in_the_occupied_palestinian_territories.svg) | |
| 行政中心 | 拉姆安拉 31°54′N 35°12′E / 31.900°N 35.200°E |
| 最大城市 | 加沙 31°31′N 34°27′E / 31.517°N 34.450°E |
| 官方語言 | 阿拉伯文 |
| 類型 | 暫時性自治政府 |
| 政府 | 半總統制[3] |
• 總統 | 阿巴斯 |
• 總理 | 吉位 |
| 立法機關 | 巴勒斯坦立法議會 |
| 以色列的民事權力下放 | |
• 奧斯陸協議 | 1993年9月13號 |
• 正式成立 | 1994年 |
• 組織分治 | 2007年 |
• 成爲聯合國觀察成員 | 2012年11月29號 |
| 貨幣 | 埃及鎊 新謝克爾 約旦第納爾[4] |
| 時區 | UTC+2 （標準時區） |
• 夏令時（DST） | UTC+3 （夏令時區） |
| 日期格式 | dd/mm/yyyy |
| 電話區號 | +970 |
| ISO 3166代碼 | PS |
| 互聯網頂級域 | .ps |
∗由於唔同嘅排名表計法未必一樣，上面嘅排名（第幾名/位）同個一覽表入面個排名未必一樣。 ∗IMF網站嘅人均GDP數字，同用GDP除以上面人口數得出嚟嘅數有可能唔一樣。 | |
歷史
當巴勒斯坦自治政府喺1994年《奧斯陸協議》成立嘅時候[2][7][8]，大家同意佢只係會做一個維持5年嘅臨時政府。喺談判嘅時候，本來打算會喺呢段時間之内達成共識，成立一個長久嘅政府。不過，因爲之後嘅談判失敗咗，所以自治政府一路都繼續管治緊巴勒斯坦。
喺2005年，以色列完全撤出加沙走廊。巴勒斯坦自治政府自此之後，控制咗走廊全部地方[9]，而以色列就繼續控制邊境檢查站、空域、同埋附近嘅海域[10]。
喺2006年巴勒斯坦立法議會選舉之前，巴勒斯坦自治政府完全係由法塔赫控制。不過喺選舉之後，哈馬斯贏咗加沙走廊，到加沙之戰之後，實際咁控制住加沙[11]。自此之後，自治政府之下嘅法塔赫同哈馬斯各自控制巴勒斯坦嘅一部分。
自從以色列-哈馬斯戰爭喺2023年10月爆發以嚟，以巴衝突都惡化咗。喺2024年2月26號，成個巴勒斯坦自治政府，除咗阿巴斯以外但係包括埋個總理，都大規模咁辭職[12][13][14]。
爭議
巴勒斯坦自治政府被受批評侵犯人權，例如隨便咁拉街上面嘅示威者同記者[15][16]，同埋喺佢哋嘅身上用酷刑[17][18]。
自從建立自治政府以嚟，巴勒斯坦自治政府一直都有歐盟同美國嘅公共財政支助 (喺2005年，有大約 $10億美金)。喺2006年選舉之後，因爲哈馬斯贏嘅關係，支助曾經暫時停咗[19][20]。自此之後，呢筆錢就唔再係去自治政府度，而係直接去阿巴斯喺西岸地區嘅辦公室嗰度[21]。因爲呢個係去私人嘅辦公室而唔係去政府部門，有唔少人批評阿巴斯嘅政府犯咗貪污[22]。
喺2009年1月，自治政府主席阿巴斯嘅任期本來完咗，不過佢沒落台，反而繼續執政。哈馬斯亦曾經提名咗另一位人選做主席，不過沒受阿巴斯嘅法塔赫承認[23][24]。自此以嚟，巴勒斯坦自治政府喺15年都沒舉行過選舉，所以有唔少人都認爲阿巴斯嘅政權偏向集權[25][26]。