抹大拉人馬利亞
抹大拉人馬利亞（古希臘文：Μαρία ἡ Μαγδαληνή、希伯來文：מרים המגדלית、英文：Mary Magdalene，抹大拉係地方名），又譯瑪利亞瑪達肋納[1]、抹大拉嘅馬利亞[2]，係一個喺公元一世紀活躍嘅猶太人女性，耶穌嘅跟隨者，《新約聖經》有記載佢嘅事蹟。
聖經記載
耶穌喺各城各鄉傳道嘅時候，同耶穌一齊嘅除咗十二個門徒之外，重有俾耶穌醫好嘅幾個婦女，抹大拉人馬利亞就係其中一個。耶穌醫好咗抹大拉人馬利亞，趕出佢身上嘅鬼。佢信咗耶穌之後，獻出自己嘅財物，畀耶穌同門徒[3]。
當耶穌被補帶到大祭司嘅聖殿審判嘅時候，門徒都離開耶穌逃走[4]。耶穌釘十字架嘅時候，環境極之惡劣，但抹大拉人馬利亞跟耶穌到十字架下，睇住耶穌受苦，斷氣，埋葬[5]。
安息日過後，抹大拉人馬利亞喺天未光嘅時候，就到耶穌嘅墳墓，並發現墳墓已經空咗，其他門徒嚟到，見到空墳就走咗，只有馬利亞留喺空墳墓度喊，所以佢將成為第一個見到復活後嘅耶穌嘅見證人[6]。