新疆拘留營
新疆拘留營（粵拼：san1 goeng1 keoi1 lau4 jing4；英文：Xinjiang internment camps；維吾爾文：قايتا تەربىيەلەش لاگېرى）[a]，被中華人民共和國政府正式叫做職業技能教育培訓中心[5][6][7][8]，係由新疆政府同黨委運作嘅拘留營。人權觀察話佢哋由2017年開始就同維吾爾族同其他穆斯林灌輸人民戰爭係恐怖主義，而佢哋響2014年就實施呢個政策[9][10][11]。有好多國家同人權組織就聲稱呢個營係打壓人權、唔人道對待、強姦同折磨，仲指控有種族清洗。而有啲國家係支持呢個拘留營[12][13]。
| 新疆再教育營 قايتا تەربىيەلەش لاگېرى | |
|---|---|
| 位置 | |
 中華人民共和國新疆維吾爾自治區 | |
| 明細 | |
| 類 | 再教育營、教化中心 |
| Opened | 自2014年[1] |
| 停辦 | 2019年12月9號（聲稱終止強制教育培訓；有爭議）[2] |
呢個拘留營係喺中共總書記習近平嘅管治底下建立。呢個拘留營喺區內嘅運作係由中共政治局委員暨黨委書記陳全國領導。拘留營被人報告係喺中國嘅法律體制之外運作。有報導話，好多維吾爾族喺未審判嘅情況下就被拘留，佢哋都冇對拘留嘅人提出任何指控（即係行政拘留）[14][15][16]。據報導，本地當局喺個營到收押咗幾十萬維吾爾人同其他少數民族嘅人，目的係打擊極端同恐怖主義[17][18]，同埋促進社會融合[19][20][21]。
拘留營設施
再教育營基地、數量同設施無準確數據，大部分城市入面嘅「再教育營」由職業學校、黨校、普通學校或者其他官方場所改建而成，而城鄉教育營就大多係新起。學員受訓期間，一般市民唔可以自由出入學習營地，大門有武裝看守，部分配有疑似高牆、鐵網同瞭望塔等設施喺佢周圍，教育營附近亦有好多公安巡邏。
法新社喺2021年4月26號報導，佢哋訪問咗一對喺新疆住咗十年嘅加拿大夫婦，佢哋就形容，再教育營營區周圍嘅牆有約4.6公尺高，上面有鐵絲網，由監視器同埋警衛巡邏隊監控[22]。
國際反應
被拘留過嘅人
中方對外回應
中國對於新疆拘留營侵犯人權嘅指控一概否認。例如，對於其中曾經被囚禁係喺入面，之後逃出嘅米日古麗·圖爾蓀，中國話佢講嘅係「一個撒謊者編造的虛假故事」[23]。不過，亦有一啲媒體，反駁中共喺呢方面嘅宣傳造假。
反駁指控記者會疑似造假
中國外交部喺2021年進行過一場記者會，安排幾名自稱維吾爾族人發言，試圖反駁呢啲指控，但就被踢爆疑似造假。其中一名發言，自稱叫做塔黑日江·托合，喺入面結業嘅學員，就被揭發幾月前喺2020年7月14號新華網一段宣傳回鄉創業嘅片段入面現身，當時自稱係上海復旦大學畢業，之後返去和田市創業。而喺呢段新華網嘅宣傳片入面，亦冇提過任何喺新疆受培訓嘅經歷，反而強調自己擁有復旦大學嘅高學歷。世界維吾爾代表大會嘅發言人話，北京咁做係欺騙國際社會，又話嗰個人如果係上海復旦大學畢業學生，佢當年高考嘅成績應該相當高，漢語讀寫能力亦有一定水平，根本唔使再特別去學習國家通用語言和同埋文字[25]。
