盧恩字母（粵拼：lou4 jan1 zi6 mou5 | 英文：runes）係種已經無人用嘅字母，喺中世紀歐洲用嚟寫一啲北歐日耳曼語族嘅語言，主要喺斯堪的納維亞半島同不列顛群島用。
盧恩字母嘅一啲字母後來借咗入羅馬字母入面，用來表示一啲當時用拉丁字母表示唔到或者搞唔清楚嘅聲，爾啲字母包括 þ 同 ƿ 兩個[1]:80，當中 ƿ 已經無人用。
