Jair Bolsonaro

Jair Messias Bolsonaro (* 21. März 1955 z Glicério, São Paulo) isch e brasilianische Politiker. Är isch vo Jänner 2019 bis Dezember 2022 Präsident vom Land gsi.

Der Bolsonaro chunt us ere Familie, wo im nünzääte Joorhundert us Italie uf Brasilie usgwanderet isch. Nach der Schuelzyt isch er zu der Armee ggange, won er bi der Artillery und bi de Fallschirmdruppe ygsetzt worden isch. Anne 1988 isch er Stadtroot vo Rio de Janeiro worde, 1990 het men en in brasilianisch Kongräss gwäält.

Im Herbscht 2018 het er bi der Waal vom nöie Staatspresidänt vo Brasilie die meischte Stimmen übercho. Wältwyti Ufmerkamkeit het er im Waalkampf übercho für frauefyndlichi, schwulefyndlichi und rassistischi Uussage, won er i de letschte Joore gmacht het.^{[1][2][3][4][5]}

Bi de Präsidentschaftswahle Ändi 2022 het er gege dr Luiz Inácio Lula da Silva verlore.