Uvularer Konsonant

Mit eme uvulare Konsonant meint mer in de Foneetik en Artikulationsort. Ùn zwar die Konsonante, wo am Gaumezäpfli (lat. uvula) artikuliert werde.

In de alemannische Dialäkt chömme zum eine die uvulare Frikativ, also [χ] (wie in mache) ùn [ʁ] (chalt), vor, dernäbe no e uvulari Affrikat [qχ] (in Dialäkt, wommer öbe Ankche sait). Allerdings sin die meischt in freier Variation mit de entsprächende velare Luut. Zum andre git es uvulari Luut in dänne Dialäkt, wommer s <r> als en Zäpfli-r usspricht. In däm Fall handlet es sich ùm en uvulare Approximant [ʁ̞] oder en uvulare Vibrant [ʀ].

Uss de Sprooche vo de Wält sin die uvulari Luut als eigeständigi Foneem bekannt:

IPA-Zeiche	Bschryybig vùm Luut	Audiobyspil	Byspilwort uss ere Sprooch
	Uvulare Nasal		Japanisch: 日本/nihon ; [n̠ʲihõ̞ɴ](info) ‚Japan‘
	Stimmlose uvulare Plosiv		Yupik: meq; [məq](info) ‚Siesswasser‘
	Stimmhafte uvulare Plosiv		Persisch: غذا; [ɢæˈzɒː](info) ‚Nahrig‘
	Stimmlose uvulare Frikativ		Hochalemannisch: Chuchichäschtli; [ˈʁ̥ʊχːiˌʁ̥æʃtli](info) ‚Chùchichäschtli‘
	Stimmhafte uvulare Frikativ		Markgräflerisch: Chind; [ʁ̥ɪnd̥](info) ‚Chind‘
q͡χ	Stimmlosi uvulari Affrikate		Kabardinisch: кхъэ ; [q͡χa](info) ‚Grab‘
	Uvulare Vibrant		Oberelsässisch: rot; [ʀoːt](info) ‚rot‘
χ’	Uvulare ejektive Frikativ		Tlingit: xh'aan ; [χʼàːn](info) ‚Füür‘
	Uvulare Ejektiv		Tlingit: k̲ʼateil; [qʼʌtʰeːɬ](info) ‚Chrueg‘
	Stimmhafte uvulare Implosiv		Mam: q'a ; [ʛa] ‚Füür‘