De uvulari Nasal isch en Konsonant vo dr mänschliche Sprooch, wo arg sälte isch. Die bekanntescht Sprooch, wo es de Luut git, isch d Sprooch vo de Inuit-Eskimo ùn s Japanisch. S Zeiche im IPA defür isch [ɴ].
De uvulari Nasal isch de hinterscht Nasal, wo vo Mänsche cha ussgsproche werde. Wyter hinte im Muul isch es chörperlich nit mögli en nasale Konsonant z bilde, wyl mer hinter em Gaumezäpfli nit glychzytig de Mùndruum cha verschliesse, ùn de Nooseruum cha ùffeloo.
Artikulation
- Es isch en Verschlùssluut; dr Lùftstrom im Muul wird ganz blockiert. Im Gägesatz zue orale Verschlùssluut wird d Lùft aber nit ùff eimool dur s Muul glööst, sùndern ohni Ùnterbrächig dur d Noos abgloo.
- De Artikulationsort isch uvular; de hinteri Zùngerùgge bildet mitem Gaumezäpfli en Verschlùss.
- D Phonation isch stimmhaft; derwyylscht er produziert wird, vibriere d Stimmbänder.
- Es isch en nasale Konsonant; d Lùft goot dur d Noos usse.
- Es isch en egressive Konsonant; er wird allei dur s Usstoosse vo Lùft mit de Lunge ùn em Zwerchfell erzüügt, wie die meischte mänschliche Sproochluut.
Verbreitig
| Sprooch | Wort | IPA-Transkription | Bedütig | Bemerkig |
|---|
| Georgisch | ზინყი | [ziɴqʼi] | ‚Hüftglenk‘ | Allophon vo /n/ |
| Inuktitut | saarnii | [saːɴiː] | ‚ùffe‘ | |
| Inuvialuktun | namunganmun | [namuƞaɴmuɴ] | ‚wo ane?‘ | |
| Japanisch[1] | kanji: 日本/nihon | [n̠ʲihoɴ] | ‚Japan‘ | Allophon vo /n/ am Wortänd |
| Kalaallisut | paarngorpoq | [paaɴːorpoq] | ‚krieche‘ | |
| Klallam | sqəyáyŋəxʷ | [sqəˈjajɴəxʷ] | ‚grosse Baum‘ | |
Fuessnote
| Konsonante | Lueg au: IPA, Vokale |
|
| Bi de Spalte wo grau sin, goot mer devo uss, dass si nit artikuliert werde chönne; wysi Spalte, ùn Zeiche, wo nit verlinkt sin, hen kei offiziels IPA-Zeiche un/oder sin uss keinere Sprooch bekannt. |
