Sudáfrica

Sudáfrica^[13] o Suráfrica,^[14] oficialmente la República de Sudáfrica^{[nota 1]}, ye'l país más meridional del continente africanu. La so llende meridional ye una llinia costera de 2.798 km de llonxitú que marca l'estremu sur d'África, y que ta bañada polos océanos Atlánticu ya Índicu^[15][16][17]. Amás, llenda al norte con Namibia, Botsuana y Zimbabue, al este y noreste con Mozambique y Suazilandia, y tien dentro de sigo un enclave que forma'l reinu de Lesothu. Sudáfrica ye, colos sos 1,221,037 km² d'estensión, el país más grande del África Austral y el 25ᵘ mayor del mundu. La so población, de cerca de 56 millones d'habitantes, conviértelu nel 24ᵘ más pobláu. El 80% d'ellos son de raza negra y tienen orixe africanu, y pertenecen a ún de los munchos grupos étnicos qu'habiten el país. Falen una gran variedá de llingües, de les que nueve tienen calter oficial^[17]. El restu la población fórmenlo individuos d'orixe étnicu européu, asiáticu o indiu, amás de coloured (grupu étnicu racialmente heteroxéneu con ancestros europeos, asiáticos y de delles tribus de los grupos bantú y joisán).

Sudáfrica Republiek van Suid-Afrika Republic of South Africa IRiphabliki yaseNingizimu Afrika
estáu soberanu
Bandera de Sudáfrica escudu de Sudáfrica
Lema nacional	!ke e: ǀxarra ǁke (/Xam: «Xunidá na diversidá»)
Himnu nacional	himnu nacional de Sudáfrica
Alministración
Nome oficial	Republic of South Africa (en) Republiek van Suid-Afrika (af) Rephaboliki ya Aforika Borwa (tn) iRiphabliki yeSewula Afrika (nr) iRiphablikhi yoMzantsi-Afrika (xh) iRiphabhuliki yaseNingizimu Afrika (zu) Repabliki ya Afrika Borwa (nso) Rephaboliki ya Afrika Borwa (st) iRiphabhulikhi yeNingizimu Afrika (ss) Riphabuḽiki ya Afrika Tshipembe (ve) Riphabliki ra Afrika Dzonga (ts)
Capital	Pretoria Bloemfontein Ciudá del Cabu
Forma de gobiernu	República parllamentaria Democracia representativa
Presidente de Sudáfrica	Cyril Ramaphosa (dende 15 febreru 2018)
Presidente de Sudáfrica	Cyril Ramaphosa (dende 15 febreru 2018)
Llingües oficiales	inglés Afrikaans ndebele del sur Sesotho sa leboa Sesotho Idioma suazi Idioma tsonga Tsuana Idioma vienda Idioma xhosa Idioma zulú llingua de signos sudafricana
División	ver Cabu Oriental, Provincia del Estáu Llibre, Gauteng, KwaZulu-Natal, Provincia de Limpopo, Mpumalanga, Provincia del Noroeste, Provincia Cabo del Norte y Provincia Cabo Occidental
Rellaciones diplomátiques	ver Canadá Italia Brasil Alemaña Australia Zambia Ucraína (16 marzu 1992) Suazilandia Reinu Xuníu Arxentina Angola Botsuana Bulgaria Exiptu Finlandia Ghana India República d'Irlanda Lesothu Malasia Libia Mauriciu Malaui Paquistán Mozambique Namibia Estáu de Palestina El Congu República Árabe Saḥariana Democrática Nixeria Irán Bolivia Indonesia Países Baxos Filipines Cuba Singapur Suiza Turquía Xunión Europea Sri Lanka Taiwán Zimbabue Xapón Rusia República Popular China Dinamarca Grecia Serbia Bangladex Méxicu Francia Israel Kenia Corea del Norte (10 agostu 1998)
Miembru de	ver Organización de les Naciones Xuníes (31 mayu 1961) Mancomunidá de Naciones (11 avientu 1931) Xunión Africana (6 xunu 1994) Organización Mundial del Comerciu (1 xineru 1995) G20 BRICS (24 avientu 2010) Bancu Internacional de Reconstrucción y Fomentu (27 avientu 1945) Asociación Internacional de Fomentu (12 ochobre 1960) Corporación Financiera Internacional (3 abril 1957) Organismu Multillateral de Garantía d'Inversiones (10 marzu 1994) Bancu Africanu de Desarrollu Operación Híbrida de la Unión Africana y las Naciones Unidas en Darfur (es) Estaos d'África, del Caribe y del Pacíficu Réxime de Control de la Teunoloxía de Misiles (1995)[1] Interpol (29 setiembre 1993)[2] Grupu d'abastecedores nucleares [3] Organización pa la Prohibición d'Armes Químiques (29 abril 1997)[4] Organización Hidrográfica Internacional [5] UNESCO (4 payares 1946, 12 avientu 1994)[6] Grupu d'Observaciones de la Tierra Comunidá de Desenvolvimientu d'África Austral Xunión Postal Universal (22 agostu 1994)[7] Xunión Internacional de Telecomunicaciones (1 xineru 1910)[8] Organización Internacional de Proteición Civil (19 ochobre 1994)[9] Organización Meteorolóxica Mundial (17 xineru 1950)[10] Organización Mundial de la Salú [11] Xunión Aduanera d'África Austral Organización Mundial d'Aduanes (24 marzu 1964)[12]
Xeografía
Coordenaes	29°S 24°E / 29°S 24°E / -29; 24
Superficie	1221037 km²
% agua	Despreciable
Costes	2.500 km
Llenda con	- km
Puntu más altu	Mafadi
Puntu más baxu	Océanu Índicu
1037 m
Demografía
Población	62 027 503 hab. (2 febreru 2022)
Densidá	50,8 hab/km²
Xentiliciu	sudafricanu (masculín singular) sudafricana (femenín singular)
Esperanza de vida	62,774 años
IDH	0,713 (2021)
Tasa de fertilidá	2,363 (2014)
Economía
Moneda	rand surafricanu
PIB nominal	419 015 636 065 $ (2021)
Bancu central	Bancu de la Reserva de Sudáfrica
Más información
Dominiu d'Internet	.za
Códigu telefónicu	+27
Códigu ISO	710 / ZAF / ZA
Estaya horaria	UTC+02:00, UTC+03:00 y Africa/Johannesburg (en)
gov.za

Sudáfrica ye una sociedá multiétnica na que conviven bayura de cultures, llingües y relixones. Esta pluralidá tien reflexu na so Constitución, que reconoce once llingües oficiales, más que dengún otru país del mundu. Dos d'elles son d'orixe européu: l'afrikaans, deriváu del holandés, que ye la primer llingua de la mayoría de los sudafricanos de raza blanca y coloured; y l'inglés, que fora llingua oficial de l'alministración colonial y ye la llingua más usada na vida pública y nos negocios, magar que namái ye la 14ª llingua por númberu de falantes como primer llingua^[17]. El país ye ún de los pocos del continente qu'enxamás sufrió un golpe d'estáu, y tien habío eleiciones de forma regular dende hai casi un sieglu. Por embargu, la gran mayoría de la población, la de raza negra y orixe africanu, nun tuvo derechu al votu hasta 1994. Demientres el sieglu XX esta población lluchó pa recuperar los sos derechos, monopolizaos pola mayoría de raza blanca dende qu'en 1948, tres de la independencia, el National Party impuso l'apartheid, un réxime políticu qu'institucionalizaba la segregación racial. Tres de décades de llucha, delles veces violenta, dirixida pol Congresu Nacional Africanu y otros grupos anti-apartheid de dientro y fuera del país, les lleis discriminatories empezaron a ser abolíes a partir de 1990.

Dende 1994 tolos grupos étnicos y llingüísticos tienen representación política nel país, organizáu como una república parllamentaria y sodividíu alministrativamente en nueve provincies. La so economía ye la segunda mayor d'África, y la 34ª mayor del mundu, y el so productu interior brutu per capita ye'l séptimu mayor del continente. Pese a ello, la pobreza y la desigualdá son ablucantes, con cásique un 25% de la so población en paru y sobreviviendo con menos de 1,25 dólares al día^[18]. El país, sicasí, ye una mediana potencia, con una influyencia política rexonal significativa^[19]