Fórmula 1

La Fórmula 1, davezu abreviao F1, y tamién denomada "categoría reina del automovilismu", o, cenciellamente "la máxima", ye la competición automovilística internacional más popular. A cada carrera denómase-y Gran Premiu y la competición que les axunta denómase Campeonatu Mundial de Fórmula 1. Les carreres de Fórmula 1 celébrense en circuitos urbanos o en circuitos especialmente construyíos o en su defeutu, antigües pistes que teníen otros usos. Los automóviles utilizaos son monoplaza coles caberes teunoloxíes disponibles; dalgunes d'estes foren desendolcaes na Fórmula 1 y terminaron siendo usaes n'automóviles de cai, como'l turbocompresor.

Fórmula 1
Xeneral
Tipu de competición	serie de competición d'automovilismu
Deporte	competición de Fórmula 1
Organizador	Fédération Internationale de l'Automobile
Historia
Fundación	1950
Competición
Participantes	20 10
Lliga inferior	Fórmula 2
Web oficial

L'entamu de la Fórmula 1 moderna remóntase al añu 1950, nel que ya participaren equipos llexendarios como Ferrari, Alfa Romeo y Maserati. Anaguaño, nuevos equipos tienen apartao a otros munchos más antiguos, y tienen algamaos grandes ésitos, como McLaren, Ferrari o Williams, qu'algamaren delles vegaes el campeonatu del mundu d'escuderíes.