Newcastle upon Tyne

Newcastle upon Tyne, conocida tamién cola forma abreviada del so nome, Newcastle, ye la ciudá y conceyu metropolitanu más pobláu del noreste d'Inglaterra. Ye, con 302.820 habitantes (2019), la población central de la conurbación de Tyneside, que ye, colos sos 879.996 habitantes (2019), la séptima área urbana más poblada d'Inglaterra. Asítiase na oriella septentrional del ríu Tyne, a unos 13,7 km de la so desaguada nel mar del Norte. La ciudá foi parte del condáu de Northumberland hasta 1400. Esi añu convirtióse nún condáu independiente, y caltuvo esti estatus hasta que pasó a formar parte del condáu metropolitanu de Tyne and Wear en 1974. El gobiernu llocal correspuénde-y al Conceyu de Newcastle (Newcastle City Council), que forma parte de la Autoridá Combinada del Norte de la Conca del Tyne (North of Tyne Combined Authority). Los sos habitantes, y el so dialeutu del inglés, tienen el nomatu de geordie. La ciudá foi declarada en 2018 pola guía turística Rough Guides como'l meyor llugar del mundu pa visitar.

Newcastle upon Tyne
Alministración
País	Reinu Xuníu
Nación constitutiva	Inglaterra
Rexón	Nordeste d'Inglaterra
Condáu metropolitanu	Tyne y Wear
Conceyu metropolitanu	Newcastle upon Tyne (es)
Tipu d'entidá	ciudá
Nome oficial	Newcastle upon Tyne (en-gb)
Nome llocal	Newcastle upon Tyne (en-gb)
Códigu postal	NE
Xeografía
Coordenaes	54°58′40″N 1°36′48″W / 54.9778°N 1.6133°O / 54.9778; -1.6133
Newcastle upon Tyne Newcastle upon Tyne (Reinu Xuníu)
Superficie	114 km²
Altitú	30 m
Demografía
Población	300 196 hab. (2018)
Porcentaxe	100% de Newcastle upon Tyne (es) 26.18% de Tyne y Wear 0% de Nordeste d'Inglaterra 0% de Inglaterra 0.45% de Reinu Xuníu
Densidá	2633,3 hab/km²
Más información
Fundación	sieglu II
Prefixu telefónicu	0191
Estaya horaria	UTC±00:00 (horariu estándar) UTC+01:00 (horariu de branu)
Llocalidaes hermaniaes	Bergen, Gelsenkirchen, Groningen, Haifa, Malmö, Nancy, Newcastle, Singkawang (es) , Atlanta, Taiyuán, Gdańsk, Lagos, Little Rock, Henán, Hannover, Hainan, Cabu Oriental y Durban
newcastle.gov.uk

La ciudá desarrollose alredor del asentamientu romanu de Pons Aelius, y recibió'l so nome actual dempués de la construcción del castiellu construyíu en 1080 pol fíu mayor de Guillermu'l Conquistador, Robert Curthose. Nel sieglu XIV la ciudá desarrollose como un importante centru del comerciu de la llana, y dempués como centru d'una comarca dedicada a la minería del carbón. El puertu espoxigó de magar el sieglu XVI y foi, xunto colos astilleros, situaos ríu abaxu, uno de los centros más importantes de construcción ya reparación de barcos del mundu.

La economía, anguaño, centrase nos sectores de la educación, la tecnoloxía dixital, el comerciu, el turismu y la cultura: el so distritu de negocios (Central Business District) ye, tamién, la sede de varies corporaciones.