Guinea-Bisáu

Guinea-Bisáu^[11] (en portugués Guiné-Bissau y oficialmente República da Guiné-Bissau) ye un país del oeste d'África. Ye, colos sos 36.125 km² d'estensión, ún de los países más pequeños del África Continental; la so población ye de 1.815.698 habitantes. Llenda con Senegal al norte, y Guinea al sur y al este, y col Océanu Atlánticu al oeste. Antigua colonia portuguesa col nome de Guinea Portuguesa, agregose-y al nome del país, tres de la so independencia, el de la so capital, Bisáu, pa prevenir tracamundios ente ella y la República de Guinea, que formaba la Guinea Francesa.

Guinea-Bisáu República da Guiné-Bissau
estáu soberanu
Bandera de Guinea-Bisáu escudu de Guinea-Bisáu
Lema nacional	Unidade Luta Progresso Xunidá Llucha y Progresu
Himnu nacional	Esta é a Nossa Pátria Bem Amada
Alministración
Nome oficial	Guinea-Bissau (it) Guiné-Bissau (pt) la République de Guinée-Bissao (fr)
Capital	Bisáu
Presidente de Guinea-Bisáu	Umaro Sissoco Embaló (es) (dende 27 febreru 2020)
Primer Ministru de Guinea-Bisáu	Nuno Gomes Nabiam (es) (dende 28 febreru 2020)
Llingües oficiales	portugués
División	ver Región de Bafatá (es) , Región de Biombo (es) , Bissau Autonomous Sector (en) , Región de Bolama (es) , Región de Cacheu (es) , Región de Gabú (es) , Región de Oio (es) , Región de Quinara (es) y Región de Tombali (es)
Rellaciones diplomátiques	ver Alemaña (1975) Estaos Xuníos Rusia Corea del Norte (16 marzu 1974) República Popular China Xeorxa (9 marzu 2011)
Miembru de	ver Organización de les Naciones Xuníes (17 setiembre 1974) Xunión Africana Organización Mundial del Comerciu Organización pa la Cooperación Islámica (1974)[1] Bancu Internacional de Reconstrucción y Fomentu (24 marzu 1977) Asociación Internacional de Fomentu (25 marzu 1977) Corporación Financiera Internacional (25 marzu 1977) Organismu Multillateral de Garantía d'Inversiones (12 xunetu 2006) Bancu Africanu de Desarrollu Estaos d'África, del Caribe y del Pacíficu Alianza de Pequeños Estados Insulares (es) OHADA (en) Comunidá de Países de Llingua Portuguesa Interpol (4 payares 1992)[2] Organización pa la Prohibición d'Armes Químiques (19 xunu 2008)[3] UNESCO (1 payares 1974)[4] Grupu d'Observaciones de la Tierra AFRISTAT (es) (1998) Xunión Postal Universal (30 mayu 1974)[5] Xunión Internacional de Telecomunicaciones (15 xineru 1976)[6] Organización Internacional de la Francofonía (1979) Organización Internacional de Proteición Civil (13 febreru 2009)[7] Organización Meteorolóxica Mundial (15 avientu 1977)[8] Organización Mundial de la Salú [9] Comunidá Económica d'Estaos del África Occidental Organización Mundial d'Aduanes (19 agostu 2010)[10]
Xeografía
Coordenaes	12°N 15°W / 12°N 15°O / 12; -15
Superficie	36125 km²
% agua	12 %
Costes	350 km
Llenda con	724 km
Puntu más altu	Monte Torin (en)
Puntu más baxu	Océanu Atlánticu
Demografía
Población	1 861 283 hab. (2017)
Densidá	51,52 hab/km²
Xentiliciu	de Guinea-Bisáu (masculín singular, femenín singular)
Esperanza de vida	59,86 años
IDH	0,483 (2021)
Tasa de fertilidá	4,835 (2014)
Economía
Moneda	francu CFA d'África Occidental
PIB nominal	1 638 517 607 $ (2021)
Bancu central	Banco Central de los Estados de África Occidental (es)
Más información
Dominiu d'Internet	.gw
Códigu telefónicu	+245
Códigu ISO	624 / GNB / GW
Estaya horaria	UTC±00:00 y Africa/Bissau (en)
gov.gw

Guinea-Bisáu formó, primero de la colonización europea, parte del reinu de Gabú, que primeru foi parte del imperiu de Malí y, tres de la so decayencia, un reinu independiente. Parte del territoriu d'esti reinu foi independiente hasta'l sieglu XVIII, mentantu qu'otra tuvo controlau pol Imperiu portugués dende'l sieglu XVI. A la fin, foi colonizáu nel sieglu XIX, convirtiéndose na Guinea Portuguesa. Dende la so independencia, proclamada en 1973 y reconocida al añu siguiente, el país tien una llarga historia d'inestabilidá política: dengún de los sos presidentes consiguió completar los cinco años de mandatu a los que da derechu la victoria nes eleiciones.

La llingua oficial y nacional del país ye'l portugués. Por embargu, esti ye falao namái pol 14% de la población, y coesiste con una variante criolla del portugués, nomada Crioulo, que ye falada pol 44% de la población como primer llingua, y por munchos más como segunda llingua tres de la so llingua africana nativa. No que cinca a les creyencies relixoses, el 40% de la población ye musulmana, y hai un 15% de cristianos, otru 15% d'animistes y un 18% de xente con otres creyencies o sin relixón especificada.

El país, ún de los del mundu con menor Productu Interior Brutu per cápita, ye miembro de la Organización de les Naciones Xuníes, la Xunión Africana, la Comunidá de Países de Llingua Portuguesa, la Organización Internacional de la Francofonía, la Organización pa la Cooperación Islámica y la Zona de Paz y Cooperación del Atlánticu Sur, y formó parte tamién de la desapaecida Xunión Llatina.