Chad

El Chad^[11] (n'árabe تشاد‎‎, Tshād; y en francés Tchad), oficialmente República del Chad (n'árabe: جمهورية تشاد‎‎, Jumhūrīyat Tshād; en francés République du Tchad), ye un país del África central. Llenda al norte con Libia, con Sudán al este, cola República Centroafricana al sur, con Camerún y Nixeria al suroeste, y con Níxer al oeste. Ye'l quintu país más estensu d'África.

Chad جمهورية تشاد Jumhūrīyat Tshād (Árabe) République du Tchad (Francés)
estáu soberanu
Bandera de Chad escudu de Chad
Lema nacional	Unité, travail, progrès (Francés: Unidá, trabayu, progresu)
Himnu nacional	La Tchadienne
Alministración
Nome oficial	Tchad (fr) la République du Tchad (fr) Republic of Chad (en)
Capital	Xamena
Presidente de Chad (es)	Mahamat Déby Itno
Presidente de Chad (es)	Idriss Déby (es) (dende 4 mayu 2018)
Llingües oficiales	francés árabe
División	ver Región de Barh El Gazel (es) , Región de Batha (es) , Región de Borkou (es) , Región de Chari-Baguirmi (es) , Región de Ennedi (es) , Región de Guéra (es) , Región de Hadjer-Lamis (es) , Región de Kanem (es) , Región de Lac (es) , Región de Logone Occidental (es) , Región de Mandoul (es) , Región de Mayo-Kebbi Este (es) , Región de Mayo-Kebbi Oeste (es) , Región de Moyen-Chari (es) , Región de Ouaddaï (es) , Región de Salamat (es) , Región de Sila (es) , Región de Tandjilé (es) , Región de Tibesti (es) , Región de Wadi Fira (es) , Xamena y Región de Logone Oriental (es)
Rellaciones diplomátiques	ver Alemaña (1960) Taiwán Libia Nixeria Sudán Francia Rumanía Estaos Xuníos República Popular China Xunión Europea Corea del Norte (8 mayu 1969)
Miembru de	ver Organización de les Naciones Xuníes (20 setiembre 1960) Xunión Africana Organización Mundial del Comerciu Organización pa la Cooperación Islámica (1969)[1] Bancu Internacional de Reconstrucción y Fomentu (10 xunetu 1963) Asociación Internacional de Fomentu (7 payares 1963) Corporación Financiera Internacional (2 abril 1998) Organismu Multillateral de Garantía d'Inversiones (11 xunu 2002) Centru Internacional d'Arreglu de Diferencies Relatives a Inversiones (14 ochobre 1966) Bancu Africanu de Desarrollu Estaos d'África, del Caribe y del Pacíficu Bancu de los Estaos d'África Central OHADA (en) Interpol (19 setiembre 1962)[2] Organización pa la Prohibición d'Armes Químiques (14 marzu 2004)[3] UNESCO (19 avientu 1960)[4] AFRISTAT (es) (21 setiembre 1993) Xunión Postal Universal (23 xunu 1961)[5] Xunión Internacional de Telecomunicaciones (25 payares 1960)[6] Organización Internacional de la Francofonía (1970) Organización Internacional de Proteición Civil (1 marzu 1972)[7] Organización Meteorolóxica Mundial (2 febreru 1961)[8] Organización Mundial de la Salú [9] Comunidá Económica de los Estaos d'África Central Organización Mundial d'Aduanes (16 febreru 2005)[10]
Xeografía
Coordenaes	15°28′00″N 19°24′00″E / 15.46667°N 19.4°E / 15.46667; 19.4
Superficie	1284000 km²
% agua	1,9%
Costes	nun tien
Llenda con	n/d
Puntu más altu	Emi Koussi
Puntu más baxu	Depresión de Bodele (es)
Demografía
Población	15 477 751 hab. (2018)
Densidá	12,05 hab/km²
Xentiliciu	chadianu (masculín singular) chadiana (femenín singular)
Esperanza de vida	52,903 años
IDH	0,394 (2021)
Tasa de fertilidá	6,156 (2014)
Economía
Moneda	Francu CFA d'África Central
PIB nominal	11 779 981 332 $ (2021)
Bancu central	Bancu de los Estaos d'África Central
Más información
Dominiu d'Internet	.td
Códigu telefónicu	+235
Códigu ISO	148 / TCD / TD
Estaya horaria	UTC+01:00 y Africa/Ndjamena (en)

Nel so territoriu estrémense, dende'l puntu de vista xeográficu, una zona desértica del norte, un cinturón sahelianu, áridu, nel centru, y una rexón de sabana tropical, más fértil, al sur. El llagu Chad, del que'l país toma'l so nome, ye la mayor zona húmeda d'El Chad, y la segunda mayor d'África. La principal ciudá del país ye la so capital, Xamena.

Les llingües oficiales del país son l'árabe y el francés. El país, nel que conviven más de 200 grupos étnicos y llingüísticos diferentes, tien una mayoría de población islámica (55%) y un 40% de población cristiana.

Les tierres qu'anguaño formen El Chad tienen sío zona d'asentamientu humanu dende'l VII Mileniu e.C. A finales del I Mileniu e.C. asocediéronse, na fastera saheliana del país, una serie d'estaos ya imperios, toos col envís de controlar les rutes de comerciu tressaharianu que pasaben pela rexón. Francia conquistó esti territoriu en 1920, ya incorporolu al África Ecuatorial Francesa. En 1960 el país algamó la so independencia embaxo'l liderazgu de François Tombalbaye. El resentimientu hacia les sos polítiques nel norte musulmán del país acabó dexenerando nuna llarga guerra civil en 1965. En 1979 los rebeldes conquistaron la capital, acabando asina cola hexemonía del sur cristianu del país. Por embargu, los comandantes rebeldes engarráronse ente ellos hasta que Hissène Habré consiguió imponese al restu. En 1990 ún de los sos xenerales, Idriss Déby, derrocolu y convirtióse en xefe del estáu. De magar 2003 la crisis de Darfur, en Sudán, ye un factor de desestabilización del país, una y bones hai cientos de miles de refuxaos sudaneses viviendo en y alredor de campamentos del este d'El Chad.

Nel país hai dellos partíos políticos activos, magar que'l poder sigue nes manes del presidente Déby y el so Movimientu Patrióticu de Salvación. El país sigue sofriendo una gran violencia política, con intentos recurrentes de golpe d'estáu. Chad ye ún de los países más probes y corruptos del mundu, nel que los más de los sos habitantes malvive na probeza como agricultores y ganaderos. De magar 2003 el petroleu convirtióse nel principal productu esportáu por El Chad, sustituyendo nesti papel a la industria del algodón.