Svieta Banks

Svieta banks - Vašėngtuonė (JAV) isikūros Terptautėniu banku gropė (onglėškā: World Bank Group), katruos tėkslas bova fėnansoutė pu ontra svieta vainas sogriautas ė nokentiejusias valstībes.

Svieta Banks gropės luoguotėps

Svieta banks apėm kelias savaronkėškas uorganėzacėjės, torontes jurėdėne asmens statosa:

  • Terptautėnis Vīstėma ė Plėtruos Banks (onglėškā: International Bank for Reconstruction and Development – IBRD)
  • Terptautėnė vīstėmuosė asuocēcėjė (onglėškā: International Development Association – IDA)
  • Terptautėnė Fėnansu Korporacėja (onglėškā: International Finance Corporation – IFC)
  • Daugiašalė Investėcėju Garantėju Agentūra (onglėškā: Multilateral Investment Guarantee Agency – MIGA)
  • Terptautėnis Investėcėju Gėnču Sprėndėma Centros (onglėškā: International Center for Settlement of Investment Disputes – ICSID)


Svieta bankas dėrb so basėvīstontiuom ė biednuom valstībiem, katruos skatėn ė parem tuokes pruogramas, katruos skėrtas žmuoniu plietrā (pavīzdiuo muokslos, svēkata), žemės ūkis (pavīzdiuo irėgacėjė ė žemės ūke paslaugas), aplīnkuos apsauguojėms (pavīzdiuo teršėma menkėnėms, ikorėms ė stėprėnėms aplėnkuos apsauguojėma fonkcėjū ėkorėms ė ožtėkrėnėms), ėnfrastruktūta (pavīzdiuo kelū tėisėms, miestu plietra, alektras plietra) ė valdīms (pavīzdiuo antėkuoropcėjės skatėnėms, tėisėniu ėnstėtocėju plietra).

IBRD ė IDA tėik paskuolas so noulaiduom valstībiem nariem ė duotacėjės patiuom biedniausiuom valstībiem. Paskuolas ė duotacėjės vėiniem pruojektam jongas so platesnies polėtėkas pasėkėitėmo tam sektuoriou ė bendrā vėsuo akanuomėkuo. Pavīzdiuo, paskuola pagerėntė pakrantiu valdīma gal būt sosėjosė so nauju aplinkuos apsauguojėma ė teršėma mažėnėma ėnstėtocėju korėmo ė vīstėmo vėitėnem ė bendrā valsībės līgie.

Prezėdentā

Paul Wolfowitz
KadėncėjaPavardie
1946 bėrželis - groudisEugene Meyer
1947 kuovs - 1949 bėrželisJohn Jay McCloy
1949 lėipa - 1962 groudisEugene R. Black
1963 sausės - 1968 kuovsGeorge D. Woods
1968 balondis - 1981 bėrželisRobert S. McNamara
1981 lėipa - 1986 bėrželisAlden W. Clausen
1986 lėipa - 1991Barber B. Conable
1991 siejė - 1995 gegožėLewis T. Preston
1995 bėrželis - 2005 gegožėJames D. Wolfensohn
2005 birželis - 2007 lėipaPaul Wolfowitz
2007 leipa – lėgė dabaRobert Zoellick

Krėtėka

Vāks protestou prīš Svieta banka Džakartuo, Ėnduonezėjuo.

Svieta banka ėlga čiesa krėtėkava ėvaires navīriausībėnė uorganėzacėjės ė akademėkā, ėskaitont ė anuo bovosė glavnuojė akanuomėsta Joseph Stiglitz, katras tēp pat sokrėtėkava ė Terptautėnė Muonėtarėnė Fuonda, JAV Torta Departamenta ė JAV ė kėtū valstībiu prekības sosėtarėmos.[1] Krėtėka gėnčījas, ka tēp vadėnamas liousuos rėnkas refuormu puolėtėka, katron rem daugomuo notėkėmu Svieta banks, īr bluogas ė nanaudingas, jē anas prėtaika so klaidingā. Grētā taikuoma "šuoka terapėjė" biednu valstībiu akanumėkuoms dėdlē pakenk. [2]

Krėtėka bandontės atremtė prietelē rokoun, ka valsībės nie vertamas jimtė paskuolas aba duotacėjės. Pates paskuolū palūkanas bienuoms ė vėdotėne baguotoma valstībiem īr menkesnes, nego rinkas kainas. Svieta banks rokoun, ka ton paskuolas ė duotacėjės gal būt gera pagelba prėtraukent papėldomū paskuolū ė duotacėjū.

Lėteratūra

Žīmas